Swiggy : ఏపీలో స్విగ్గీ బహిష్కరణ నిర్ణయం వెనక్కి: ఏపీ హోటల్స్ అసోసియేషన్

Swiggy : ఏపీలో స్విగ్గీ బహిష్కరణ నిర్ణయం వెనక్కి తీసుకున్నారు. స్విగ్గీ యాజమాన్య బృందంతో జరిపిన చర్చలు ఫలించడంతో అక్టోబరు 14 నుంచి స్విగ్గీని బహిష్కరించాలన్న నిర్ణయాన్ని ఏపీ హోటల్స్ అసోసియేషన్ వెనక్కి తీసుకుంది. విజయవాడలో హోటల్స్ అసోసియేషన్, స్విగ్గీ ప్రతినిధుల మధ్య చర్చలు జరిగాయి. హోటళ్ల డిమాండ్లకు స్విగ్గీ యాజమాన్యం అంగీకరించింది. దీంతో బాయ్ కాట్ నిర్ణయాన్ని వెనక్కి తీసుకుంటున్నట్లు ఏపీ హోటల్స్ అసోసియేషన్ తెలిపింది. నవంబరు ఒకటి నుంచి తమ మధ్య జరిగిన ఒప్పందాలు అమల్లోకి వస్తాయని తెలిపింది.

ఇటీవల అక్టోబరు 14 నుంచి స్విగ్గీకి అమ్మకాలు నిలిపివేయనున్నట్లు ఏపీ హోటల్స్ అసోసియేషన్ ప్రకటించింది. ఈ నేపథ్యంలో స్విగ్గీ యాజమాన్యం, ఏపీ హోటల్స్ అసోసియేషన్ ప్రతినిధులతో చర్చలు జరిపింది. విజయవాడలో జరిగిన చర్చల అనంతరం స్విగ్గీ బహిష్కరణ నిర్ణయాన్ని ఏపీ హోటల్స్ అసోసియేషన్ వెనక్కి తీసుకుంది.