Pawan Kalyan
Pawan Kalyan : పవన్ కల్యాన్ తెర మీద కనిపించక దాదాపు ఏడాది దాటింది. బ్రో సినిమాలో అతిథిగా మెరిసిన పవర్ స్టార్ నుంచి మరో సినిమా రాలేదు. ఇప్పటికే సెట్స్ మీద మూడు సినిమాలు ఉన్నా పవన్ ఫ్యాన్స్ కు నిరీక్షణ తప్పట్లేదు. అటు రాజకీయాల్లో పవన్ బిజీ కావడంతో తమ అభిమాన హీరో నుంచి మరో సినిమా ఎప్పుడొస్తుందోనని ఫ్యాన్స్ వేయి కళ్లతో ఎదురు చూస్తున్నారు.
ఇటీవల పవన్ కల్యాన్ హరిహర వీరమల్లు సెట్స్ లో అడుడు పెట్టడంతో పవర్ స్టార్ ఫ్యాన్స్ సంబురాలు చేసుకుంటున్నారు. పీరియాడిక్ బ్యాక్ డ్రాప్ తో తెరకెక్కుతున్న సినిమా కావడం, పవన్ కల్యాన్ తొలిసారి ఈ జానర్ లో సినిమా చేస్తండడంతో భారీ హైప్ క్రియేట్ అవుతున్నది. అయితే ఈ సినిమా వచ్చే ఏడాది మార్చి 27న విడుదల చేస్తామని మేకర్స్ ప్రకటించారు. గ్రాఫిక్స్ వర్క్ ఎక్కువగా ఉండడంతో ప్రకటించిన డేట్ కి విడుదలయ్యేలా కనిపించడం లేదు. దీంతో అదే డేట్ కి ఓజీ సినిమాని తీసుకు రావాలని మేకర్స్ భావిస్తున్నారట. ఇక ఈ సినిమా మరో ఇంట్రెస్టింగ్ న్యూస్ బయటకు వచ్చింది.
పవన్ కల్యాన్ కుమారుడు అకీర నందర్ ఓజీలో నటిస్తున్నాడని టాక్ వినిస్తున్నది. అయితే ఇప్పటి వరకు దీనిపై క్లారిటీ లేదు. ఇక ఈ సినిమాలో అకీరా నందన్ ట్యూన్స్ ఇవ్వబోతున్నాడని మ్యూజిక్ డైరెక్టర్ థమన్ వెల్లడించాడు. స్వతహాగా పియానో ప్లేయర్ అయిన అకీరా ఇందులో ట్యూన్స్ ఇవ్వబోతున్నాడట. ఈ విషయం తెలియడంతో పవర్ స్టార్ ఫ్యాన్స్ ఎగిరిగంతేస్తున్నారు.