Surya and karti:కోలీవుడ్ స్టార్ హీరోలు సూర్య, కార్తి ఆప‌ద‌ల్లో ఉన్న వారిని ఆదుకోవ‌డంలో ఎప్పుడూ ముందు వరుస‌లో నిలుస్తుంటారు. ఇప్ప‌టికే `అగ‌రం ఫౌండేష‌న్‌`పై త‌మిళ‌నాడు చుట్టుప‌క్క‌ల గ్రామాల్లోని పేద పిల్ల‌ల‌కు చ‌దువు చెప్పిస్తూ పి మందికి ఆద‌ర్శింగా నిలుస్తున్న సూర్య, కార్తి ప్ర‌కృతి విప‌త్తుల స‌మ‌యంలోనూ ఆప‌న్నుల‌కు అండ‌గా నిలుస్తూ త‌మ గొప్ప మ‌న‌సును చాటుకుంటున్నారు. తాజాగా మిగ్‌జాం తుపాను బాధితుల్ని ఆదుకున్నారు.
మిగ్‌జాం తుపాను బాధితుల ప్రాంతాల్లో అహార పంపిణీ కోసం రూ.10 ల‌క్ష‌ల ఆర్థిక సాయం ప్ర‌క‌టించారు. దీంతో ఈ కోలీవుడ్ బ్ర‌ద‌ర్స్‌పై అభిమానులు సోష‌ల్ మీడియా వేదిక‌గా ప్ర‌శంస‌ల వ‌ర్షం కురిపిస్తున్నారు. రియ‌ల్ హీరోలంటూ కామెంట్‌లు పెడుతున్నారు. గ‌తంలో కూడా సూర్య, కార్తి చాలా సార్లు త‌మ సేవాగుణాన్ని చాటుకున్నారు. ఇక కాక‌ర్తి త‌న 25వ సినిమా `జ‌పాన్‌` విడుద‌ల సంద‌ర్భంగా 25 రోజుల పాటు ప్ర‌తి రోజు వెయ్యి మందికి అన్న‌దానం కోసం విరాళం అందించారు.
ఇదిలా ఉంటే ఈ కోలీవుడ్ సోద‌రులు సూర్య, కార్తి వ‌ర‌స సినిమాల్లో న‌టిస్తూ బిజీగా ఉన్నారు. హీరో సూర్య భారీ పాన్ ఇండియా మూవీ `కంగువా`లో న‌టిస్తున్న విష‌యం తెలిసిందే. శివ ద‌ర్శ‌క‌త్వం వ‌హిస్తున్న ఈ సినిమా దాదాపు 11 భాష‌ల్లో ప్ర‌పంచ వ్యాప్తంగా విడుద‌ల కానుంది. ఇందులో సూర్య ఆరు విభిన్న‌మైన పాత్ర‌ల్లో క‌నిపించి షాక్ ఇవ్వ‌బోతున్నారు. ఐమ్యాక్స్ 3డీ వెర్ష‌న్‌లోనూ విడుద‌ల కానున్న ఈ సినిమాలో బాలీవుడ్ హాట్ లేడీ దిషా ప‌టానీ హీరోయిన్‌గా న‌టిస్తుండ‌గా బాబి డియోల్ విల‌న్‌గా క‌నిపించ‌నున్నాడు.