Mahesh Babu Family
Mahesh Babu Family : టాలీవుడ్ సూపర్ స్టార్ మహేష్ బాబు కుటుంబ సభ్యులు శ్రీవారిని దర్శించుకున్నారు. తిరుమల శ్రీవారి దర్శనార్థం బుధవారం శ్రీవారి మెట్ల మార్గం గుండా కాలినడకన మహేష్ బాబు సతీమణి నమ్రతా శిరోద్కర్, కుమారుడు గౌతమ్, కూతురు సితార తిరుమల చేరుకున్నారు. గురువారం వేకువజామున స్వామివారి సుప్రభాత సేవలో పాల్గొని శ్రీవారిని దర్శించుకున్నారు. అనంతరం రంగనాయకుల మండపంలో వేదపండితులు ఆశీర్వచనాలు అందుకున్నారు. మహేష్ బాబు కుటుంబ సభ్యులకు టీటీడీ అధికారులు స్వామివారి తీర్థప్రసాదాలు అందజేశారు. వారితో కలిసి మేఘా గ్రూప్ డైరెక్టర్ సుధారెడ్డి కూడా శ్రీవారి సేవలో పాల్గొని స్వామివారిని దర్శించుకున్నారు.
సూపర్ స్టార్ మహేష్ బాబు, రాజమౌళి దర్శకత్వంలో పాన్ ఇండియా సినిమాలో నటించబోతున్న విషయం తెలిసిందే. ప్రస్తుతం ఈ సినిమాకు సంబంధించిన ప్రీ ప్రొడక్షన్ వర్క్ జరుగుతోంది. ఈ సినిమా ఫస్ట్ షెడ్యూల్ ను జర్మనీలో స్టార్ట్ చేయబోతున్నట్లు వార్తలు వినిపిస్తున్నాయి. ఈ సినిమాకు ‘గోల్డ్’ అనే యూనివర్శల్ టైటిల్ ను పరిశీలిస్తున్నట్లు తెలుస్తోంది.