Telangana : తెలంగాణలో కొనసాగిన ఎండలు

Telangana

Telangana : తెలంగాణ రాష్ట్రంలోని చాలా ప్రాంతాల్లో సోమవారం ఎండల ప్రభావం తీవ్రంగానే ఉంది. జగిత్యాల జిల్లా అల్లీపూర్, గుళ్లకోటలలో రాష్ట్రంలోనే అత్యధిక ఉష్ణోగ్రత 46.8 డిగ్రీలుగా నమోదైంది. పెద్దపల్లి జల్లా మహాముత్తారంలో 46.4, జగిత్యాల జిల్లా కొల్వాయి, పెద్దపల్లి జిల్లా సుగ్లాంపల్లిలో 46.3, కరీంనగర్ జిల్లా జమ్మికుంటలో 46.2 డిగ్రీల ఉష్ణోగ్రత ఉంది. ఆదివారం సాయంత్రం సూర్యాపేట జిల్లాలో ఈదురుగాలులు, ఉరుములు, మెరుపులతో పాటు కురిసిన వర్షానికి మామిడి, అరటి తోటలకు నష్టం జరిగింది.

తెలంగాణలో మంగళ, బుధ, గురువారాల్లో ఉరుములు, మెరుపులతో కూడిన వర్షాలు కురుస్తాయని వాతావరణ శాఖ తెలిపిందా. మంగళవారం నల్గొండ, సూర్యాపేట, మహబూబాబాద్, వరగల్, హనుమకొండ, జనగామ, యాదాద్రి జిల్లాల్లో పలు చోట్ల భారీ వర్షాలు పడే సూచనలు ఉన్నాయని పేర్కొంది.