Sunrisers Hyderabad : ‘సన్ రైజర్స్ హైదరాబాద్’ న్యూ ఆంథమ్.. సోషల్ మీడియాలో దుమ్మురేపుతూ వైరల్..

Sunrisers Hyderabad

Sunrisers Hyderabad : సన్‌ రైజర్స్ హైదరాబాద్ (SRH). ఐపీఎల్ లో దుమ్ములేపే టీమ్. ఒకప్పుడు క్రికెట్ అభిమానుల మనస్సులో తిష్టవేసుకొని ఉండే జట్టు. రాను రాను పేలవమైన ప్రదర్శనతో అభిమానులను నిరాశకు గురి చేస్తూ వస్తుంది. కెప్టెన్ పాట్ కమ్మిన్స్ ఆధ్వర్యంలో 2024లో రంగంలోకి దిగుతున్న ఈ జట్టుకు సంబంధించి ఇటీవల ఒక సాంగ్ (ఆంథమ్) రిలజ్ చేశారు. ఈ సారి తన స్థానాన్ని తిరిగి దక్కించుకోవాలని సన్ రైజర్స్ హైదరాబాద్ కృత నిశ్చయంతో ఉంది.

సన్‌రైజర్స్ హైదరాబాద్ (SRH) బుధవారం (మార్చి 20) ప్రస్తుతం సీజన్ కు సంబంధించి ఆంథమ్ ను ఆవిష్కరించింది. జట్టు తమ కొత్త పాట వీడియోను వివిధ సోషల్ మీడియాలో షేర్ చేసింది. సన్‌రైజర్స్ హైదరాబాద్ తమ ఇండియన్ ప్రీమియర్ లీగ్ (IPL) 2024 ప్రచారాన్ని ప్రారంభించేందుకు సిద్ధంగా ఉంది. మొదటి మ్యాచ్ మార్చి 23న కోల్‌కతా నైట్ రైడర్స్ (KKR)తో ఐకానిక్ ఈడెన్ గార్డెన్స్‌లో జరగనుంది.

𝑺𝒖𝒏𝑹𝒊𝒔𝒆𝒓𝒔 𝒎𝒆𝒎𝒖 𝒃𝒓𝒐,
𝑷𝒂𝒌𝒌𝒂 𝒊𝒏𝒌𝒐 𝒓𝒂𝒏𝒈𝒆 𝒃𝒓𝒐🧡

Our new anthem is here to set your playlist on fire🔥#SRHAnthem2024 #PlayWithFire #OrangeArmy pic.twitter.com/U4xRxhYfGv

— SunRisers Hyderabad (@SunRisers) March 20, 2024

ఇండియన్ ప్రీమియర్ లీగ్ (ఐపీఎల్) చరిత్రలో చారిత్రాత్మక క్షణంలో, సన్‌రైజర్స్ హైదరాబాద్ (SRH) ఆస్ట్రేలియా ODI ప్రపంచ కప్ విజేత కెప్టెన్ పాట్ కమిన్స్‌ను రూ. 20 కోట్ల 50 లక్షలకు దక్కించుకుంది. ఇండియన్ ప్రీమియర్ లీగ్ (ఐపీఎల్) వేలంలో రూ.20 కోట్లకు పైగా బిడ్ అందుకున్న తొలి ఆటగాడిగా ఆసీస్ స్టార్ పాట్ కమిన్స్ రికార్డులు బద్దలు కొట్టాడు.

గత ఐపీఎల్ సీజన్‌లో ఐడెన్ మార్క్రామ్ నేతృత్వంలోని సన్‌రైజర్స్ హైదరాబాద్ (SRH), పాయింట్ల పట్టికలో చివరి స్థానంలో నిలిచి నిరాశకు గురి చేసింది. అయితే, నాయకత్వంలో మార్పుతో, రాబోయే పీపిఎల్ సీజన్‌లో జట్టు తమ అదృష్టాన్ని మలుపు తిప్పే ఆశాజనకంగా ఉంది.