Stree 2 : ప్రభాస్, రణ్ బీర్, యష్.. నెక్ట్స్ షారుక్?.. అందరు హీరోలకు చెక్ పెడుతున్న స్త్రీ 2.. దేనితోనంటే?

Stree 2

Stree 2 : రూ. 400 కోట్ల క్లబ్ లో చేరిన తొలి నాన్ యాక్షన్ చిత్రంగా ‘స్త్రీ 2’ నిలిచింది. రాబోయే వారాల్లో రూ. 500 కోట్ల క్లబ్ లో చేరే దిశగా అడుగులు వేస్తోంది. ఇది ప్రేక్షకుల నుంచి మేకర్స్ కు అందిన స్పష్టమైన సందేశం. ‘మీరు మమ్మల్ని ఎంటర్ టైన్ చేస్తే.. మేము మీకు బహుమతి ఇస్తాము. జానర్ ముఖ్యం కాదు. ఎంటర్ టైన్ మెంట్ ముఖ్యం.’ అన్నారు.

ప్రస్తుతం శ్రద్ధా కపూర్, రాజ్ కుమార్ రావు జంటగా నటించిన ఈ హారర్ కామెడీ 13 రోజుల్లో రూ. 415 కోట్ల నెట్ ను రాబట్టింది. రెండో వారం ముగిసే సమయానికి యష్ బ్లాక్ బస్టర్ కేజీఎఫ్ 2 (435 కోట్లు)ను దాటే అవకాశం ఉంది.

రణబీర్ కపూర్ నటించిన యానిమల్ (495 కోట్లు), ప్రభాస్ బాహుబలి 2 (511 కోట్లు), సన్నీడియోల్ గదర్ 2 (515 కోట్లు)ను కూడా ‘స్త్రీ 2’ అధిగమించే దిశగా అడుగులు వేస్తోంది. ఒక్క హిందీలోనే 525 కోట్లు వసూలు చేసిన షారుఖ్ ఖాన్ పఠాన్ కు కూడా ఇది సవాలు విసురుతోంది. అయితే జవాన్ 565 కోట్ల నెట్ సాధించడం స్త్రీ 2కు కష్టమైన మైలురాయి కావచ్చు.

మహిళా ప్రధానమైన కామెడీ దేశంలోని బడా తారలను తమ డబ్బుల కోసం ఎలా పరుగులు పెట్టిస్తోందోనని ప్రత్యేకంగా చెప్పనక్కర్లేదు. ప్రస్తుతం మంచి వినోదమే ప్రేక్షకులను ఆకర్షిస్తోందని ఇది రుజువు చేస్తోంది. ఇక్కడ ఎంటర్ టైన్ మెంట్ బిగ్గెస్ట్ స్టార్.

ఈ ఏడాది కల్కి 2898 ఏడీ (హిందీ) వసూలు చేసిన 402 కోట్ల గ్రాస్ ను అధిగమించి స్త్రీ 2 వరల్డ్ వైడ్ గ్రాస్ 600 కోట్లకు చేరుకుంది. జవాన్, పఠాన్, యానిమల్ చిత్రాల తర్వాత ప్రపంచ వ్యాప్తంగా అత్యధిక వసూళ్లు రాబట్టిన నాలుగో చిత్రంగా స్త్రీ 2 నిలిచింది.