YouTubers : యూట్యూబర్స్ గా సెన్సేషన్ క్రియేట్ చేసిన స్టార్స్!
YouTubers
YouTubers : నిరుద్యోగిగా ఉంటూ ఏం చేయాలో అర్ధం కానీ పరిస్థితిలో యూట్యూబ్ లో కర్నె శిరీష సరదాగా ఒక వీడియో షేర్ చేసింది.. బర్రెలక్కగా తాను షేర్ చేసిన చిన్న రీల్ తో రాత్రికి రాత్రి ఫేమస్ అయ్యింది.. ఇప్పుడు బర్రెలక్క అంటే తెలియని వారు లేరు.. ఈమె పేరు చిన్న పిల్లాడిని అడిగిన చెప్పేస్తున్నారు..
యూట్యూబ్ లో సెలెబ్రెటీగా మారిపోయి ఇప్పుడు ఏకంగా తెలంగాణ రాష్ట్ర అసెంబ్లీ ఎన్నికల్లో ఆమె ఎమ్మెల్యేగా పోటీ చేసిన తర్వాత మరింత ఫేమస్ అయ్యింది.. ఏ న్యూస్ ఛానెల్ చూసిన బర్రెలక్క గురించే ఫ్రీ ప్రచారం చేస్తూ కనిపించారు.
YouTuber Barrelakka
ఆమె నిరుద్యోగి అనే అసహనంలో తాను చేసిన చిన్న రీల్ నెట్టింట వైరల్ అవ్వడంతో నేడు ఆమె లైఫ్ నే మారిపోయింది. ఇప్పుడు కొల్లాపూర్ నియోజకవర్గం నుండి శిరీష స్వతంత్య అభ్యర్థిగా ఎమ్మెల్యే పోటీలో బరిలోకి దిగింది.. ఈల గుర్తుపై ఈమె బరిలోకి దిగగా ప్రచారం కూడా స్టార్ట్ చేస్తుంది.
ఇక రైతు బిడ్డగా ఈ మధ్య బాగా పాపులర్ అయ్యాడు పల్లవి ప్రశాంత్.. బిగ్ బాస్ సీజన్ 7 లో అవకాశం అందుకుని రెండు వారాలు కూడా ఉంటాడో ఉండడో అనుకుంటే చివరి దాకా ఉండేలా ఉన్నాడు. అలాగే టైటిల్ కూడా గెలుచుకునే సత్తా ఉన్న కంటెస్టెంట్ గా టాప్ లో ఉన్నాడు.
ఇతడు యూట్యూబ్ లో రైతు గురించి అతడికి తెలిసిన చిన్న చిన్న వీడియోలను చేస్తూ పాపులర్ అయ్యాడు.. ఈ రైతు బిడ్డకు దక్కిన ఆదరణ చూసి అంత ఆశ్చర్య పోతున్నారు.. కొద్దీ సమయంలోనే పాపులర్ అయ్యాడు పల్లవి ప్రశాంత్..
Pallavi Prasanth, Bigg Boss 7 Contestant
ఇక కలర్ ఫోటో ద్వారా సెన్సేషన్ క్రియేట్ చేసి యూట్యూబ్ లో మంచి క్రేజ్ దక్కించుకున్నారు యంగ్ హీరో సుహాస్.. చాయ్ బిస్కట్ ఛానెల్ ద్వారా ఇతడికి బాగా గుర్తింపు దక్కింది.. క్యారెక్టర్ ఆర్టిస్టుగా అలరించిన సుహాస్ ఇప్పుడు హీరోగా మారి వరుసగా సినిమాలు చేస్తున్నాడు..
ఇక తన జీవితంలో అన్ని కష్టాలను అనుభవించి చివరి దశలో ఉన్న సమయంలో గంగవ్వ ఇప్పుడు ఫేమస్ అయ్యింది. తన వీడియోలతో యూట్యూబ్ లో సెన్సేషన్ క్రియేట్ చేసింది.. వయస్సు మీద పడుతున్న తనదైన శైలిలో అలరిస్తూ బిగ్ బాస్ లో కూడా అడుగు పెట్టింది.
కవర్ సాంగ్స్ తో ఫేమస్ అయ్యి ఆ తర్వాత షార్ట్ ఫిలిమ్స్ తో పాపులర్ అయ్యిన షణ్ముఖ్ జస్వంత్ గురించి తెలియని వారు లేరు.. ఇతడు బిగ్ బాస్ లో సైతం అవకాశం అందుకుని దూసుకెళ్తున్నారు. సూర్య సిరీస్ తో సెన్సేషన్ క్రియేట్ చేసిన ఇతడు ఇప్పుడు కూడా మరో సిరీస్ తో అలరిస్తున్నాడు.
పదేళ్ల క్రితం చిన్న కామెడీ వీడియోస్ తో పాపులర్ అయ్యి యూట్యూబ్ లో సెన్సేషన్ క్రియేట్ చేసాడు వైవా హర్ష.. ఇతడి యాస, యాటిట్యూడ్, బాష, ప్రశ్నించే విధానం అన్ని కూడా క్లిక్ అయ్యాయి.. యూట్యూబ్ లో సెన్సేషన్ క్రియేట్ చేసిన ఇతడు ఆ తర్వాత సినిమాల్లో కూడా రాణిస్తూ ముందుకు వెళుతున్నాడు.