Star Sports : దాయాది పోరుపై స్టార్ స్పోర్ట్ ప్రోమో అదుర్స్ 

Star Sports Promo

Star Sports : ఇండియా, పాకిస్థాన్ మ్యాచ్ అంటే ప్రపంచం మొత్తం క్రికెట్ ఫీవర్ పట్టుకుంటుంది. అలాంటిది వరల్డ్ కప్ లో పోరు అంటే ఎలా ఉంటుందో తలుచుకుంటేనే గూస్ బంప్స్ రాక మానదు. 2007 టీ 20 వరల్డ్ కప్ లీగ్, ఫైనల్ రెండింటిలో ఇండియా హోరాహోరీగా తలపడి పాకిస్థాన్ ను చిత్తు చేసి పొట్టి వరల్డ్ కప్ ను అందుకున్న క్షణాలు ఎప్పటికీ భారతీయుల గుండెల్లో నిలిచిపోయాయి.

ఈసారి కూడా పొట్టి ప్రపంచకప్ సాధించి మళ్లీ ఆ క్షణాలను గుర్తు చేయాలని క్రికెట్ అభిమానులు కోరుకుంటున్నారు. అమెరికా, వెస్టిండీస్ ఆతిథ్యం ఇష్తున్న ఈ టీ 20 వరల్డ్ కప్ కు పాకిస్థాన్, ఇండియా మ్యాచ్ పైనే అందరి కళ్లు నెలకొన్నాయి. జూన్ 9న అమెరికాలో ఇండియా, పాకిస్థాన్ మధ్య ఈ పోరు జరగనుంది. దీని కోసం స్టార్ స్పోర్ట్ ఒక ప్రోమో విడుదల చేసింది.

ఈ ప్రోమో సోషల్ మీడియాలో తెగ ట్రోల్ అవుతుంది. ఇప్పుడైనా ఇండియాను ఓడిస్తారా.. లేదా అంటూ పాక్ ఫ్యాన్స్ ను ఓ ఆటాడుకుంటున్నారు.  పాకిస్థాన్ టీంను కెప్టెన్ గా బాబర్ అజం నడిపించనున్నాడు. ఇండియా ఎప్పటిలాగానే రోహిత్ శర్మ కెప్టెన్సీలో ఈ వరల్డ్ కప్ ఆడనుంది.

ఈ టోర్నీలో మొత్తం 20 టీమ్ లు పాల్గొంటుంగా నాలుగు గ్రూపులుగా విభజించారు. ఇండియా, పాకిస్థాన్, కెనడా, ఐర్లాండ్, యూఎస్ ఒక గ్రూపులో ఉన్నాయి. పాకిస్థాన్ తో మ్యాచ్ గెలిస్తే ఈజీగా గ్రూపు స్టేజీ దాటొచ్చు. కానీ ఈ మ్యాచ్ హై హోల్టేజ్ లాంటిది. గత టీ 20 వరల్డ్ కప్ ఆస్ట్రేలియాలో జరిగినపుడు విరాట్ కొహ్లి తన అద్భతమైన ఆటతీరుతో చివర్లో ఎంతో ఒత్తిడిని అధిగమించి పాకిస్థాన్ పై  అపూర్వ విజయం అందించాడు. దీంతో విరాట్ పై ఎక్కడ లేని అభిమానం ప్రేక్షకుల్లో పెరిగిపోయింది. మళ్లీ విరాట్ నుంచి అలాంటి ఇన్సింగ్స్ ను క్రికెట్ ఫ్యాన్స్ కోరుకుంటున్నారు. ఇక అందరి కళ్లు టీ 20 వరల్డ్ కప్ లో దాయాది పోరుపైనే ఉంటాయని చెప్పడంలో సందేహం లేదు.