Soundarya Biopic : సౌందర్య బయోపిక్ లో నటించకపోతే నా కెరీర్ కి అర్థం లేదంటూ స్టార్ హీరోయిన్ షాకింగ్ కామెంట్స్!

Star heroine’s shocking comments

Soundarya Biopic : అలనాటి మహానటి సావిత్రి గారిని నచ్చని వాళ్ళు ఎవరుంటారు చెప్పండి. కంటి చూపుతోనే వంద రకాల హావభావాలు పలికించగల మహానటి ఆమె. ఆమె తరహా హీరోయిన్లు మళ్ళీ పుట్టలేదు కానీ, ఆమెతో కాస్త అయినా పోల్చుకోదగ్గ మహానటీమణులు కేవలం కొంతమంది మాత్రమే ఉన్నారు. ఆ కొంతమంది లో ఒకరు సౌందర్య. ఈమె నిన్నటి తరం సావిత్రి అనడం లో ఎలాంటి అతిశయోక్తి లేదనే చెప్పాలి.

ఎంతో సహజమైన నటనతో, మన ఇంట్లో ఆడమనిషి లాగ అనిపిస్తుంది అనడం లో ఎలాంటి అతిశయోక్తి లేదు. కానీ దురదృష్టం కొద్దీ ఆమె మనల్ని వదిలి తిరిగిరాని లోకాలకు పయనం అయ్యింది. ఆమె తర్వాత ఆ స్థాయిని మ్యాచ్ చేసిన హీరోయిన్స్ నేటి తరం లో ఒక్కరు కూడా రాలేదు.  కానీ ఆమె బయోపిక్ లో నటించాలని కోరికగా ఉంది అంటూ ఒక ప్రముఖ హీరోయిన్ రష్మిక మందన రీసెంట్ గా జరిగిన ఒక ఇంటర్వ్యూ లో చెప్పుకొచ్చింది.

ప్రస్తుతం సోషల్ మీడియా మొత్తం ఆమె చేసిన ఈ కామెంట్స్ గురించే మాట్లాడుకుంటుంది. ఎందుకంటే రష్మిక ఇప్పటి వరకు నటనకి ప్రాధాన్యత ఉన్న పాత్రలు పోషించలేదు. అప్పుడప్పుడు కొన్ని పాత్రలు చేసింది కానీ, అవి సౌందర్య నటనతో పోల్చుకోదగ్గ నటన మాత్రం కాదు. కానీ ఒక్కసారిగా ఆమె అలాంటి పాత్ర చెయ్యాలని ఉంది అనడం తో సోషల్ మీడియా లో ఆమెపై ట్రోలింగ్స్ వచ్చాయి. సౌందర్య బయోపిక్ చెయ్యాలంటే ప్రస్తుతం ఉన్న స్టార్ హీరోయిన్స్ లో కేవలం నిత్యా మీనన్ కి మాత్రమే సాధ్యం అని, ఇక ఏ హీరోయిన్ కూడా ఆమె రేంజ్ ని మ్యాచ్ చెయ్యలేరు అంటూ సోషల్ మీడియా లో కామెంట్స్ వినిపిస్తున్నాయి. కానీ రష్మిక రీసెంట్ గా హీరోయిన్ గా నటించిన ‘ఎనిమల్’ చిత్రం లో అద్భుతమైన నటన కనబర్చింది.

హీరో తో సమానమైన పాత్ర పోషించి తనలో కూడా ఒక మంచి నటి ఉందని నిరూపించుకుంది. అందుకే రష్మిక సౌందర్య పాత్రని మొయ్యగలదు అని అంటున్నారు ఆమె ఫ్యాన్స్. మరి ఆమె కోరికని నెరవేర్చే దర్శకుడు ఎవరో చూడాలి. గతం లో మహానటి సావిత్రి బయోపిక్ గా తెరకెక్కిన ‘మహానటి’ చిత్రం లో కీర్తి సురేష్ అద్భుతమైన నటన కనబర్చి ఉత్తమ నటిగా నేషనల్ అవార్డు అందుకుంది. ఆ రేంజ్ లో రష్మిక చేస్తుందో లేదో చూడాలి.