Star heroine Radhika Apte
Star heroine Radhika Apte : ఓటీటీ క్వీన్, బాలీవుడ్ స్టార్ హీరోయిన్ రాధికా ఆప్టే తన అభిమానులకు పెద్ద సర్ ప్రైజ్ ఇచ్చింది. రాధిక తల్లి కాబోతున్నది. అయితే ఈ విషయాన్ని నాలుగు నెలలుగా ఎవరికీ రహస్యంగా ఉంచడంతో ఆమె అభిమానులు, ప్రేక్షకులు ఆశ్చర్యపోతున్నారు. ఇటీవల ఆమె లండన్ ఫిల్మ్ ఫెస్టివల్‌కు హాజరైంది. ఈ ఈవెంట్ లో బేబీ బంప్‌ను చూసి ఆమె గర్భవతి అని తెలిసింది.
ప్రముఖుల శుభాకాంక్షలు..
ఫిల్మ్ ఫెస్టివల్‌కు హాజరైన రాధిక తన ఇన్‌స్టాగ్రామ్‌లో ఈవెంట్ కు సంబంధించిన కొన్ని ఫొటోలను పోస్ట్ చేసింది. ఈ ఫొటోల్లో రాధిక బ్లాక్ బాడీకాన్ డ్రెస్‌లో మొదటిసారిగా తన బేబీ బంప్‌ను ప్రదర్శిస్తూ కనిపించింది. దీంతో అభిమానులు, సినీ ప్రముఖులు ఆమెకు శుభాకాంక్షలు చెబుతున్నారు.
2012 లో వివాహం..
రాధికా ఆప్టే 2012లో తన ప్రియుడు, బ్రిటిష్ మ్యూజిక్ కంపోజర్ బెనెడిక్ట్ టేలర్‌ను వివాహం చేసుకుంది. పెళ్లయిన 12 ఏళ్ల తర్వాత ఆమె మొదటి సారి బిడ్డకు జన్మనివ్వబోతోంది. రాధిక ఇప్పటి వరకు హిందీ, మరాఠీ, బెంగాలీ, తెలుగు, ఆంగ్ల చిత్రాల్లో నటించి మెప్పించింది. ఎమ్మీ అవార్డులకు నామినేట్ అయిన మొదటి భారతీయ నటి రాధికా ఆప్టే కావడం విశేషం. ఇవే కాంకుడా ‘ప్యాడ్‌మాన్’, ‘అంధాధున్’, ‘బద్లాపూర్’, ‘లస్ట్ స్టోరీస్’ వంటి సినిమాలు, సిరీస్‌లలో కనిపించింది.