Star heroes movies queuing up for Sankranti 2025
Sankranti 2025 : సంక్రాంతి అంటే పంట ఇంటికి రావడం, కొత్త అల్లుడు రావడం, కోళ్ల పందాలు వీటన్నింటితో కలిసి సినిమాలు కూడా రావడం ఎప్పుడూ జరిగేదే. రిలీజ్ అవుతాయా? అన్న సందేహం ఉన్న సినిమాలు కూడా రిలీజ్ అవుతూ ఆశ్చర్యం కలిగిస్తాయి. ఇదే సంక్రాంతి మ్యాజిక్. ఈ సారి సంక్రాంతికి గుంటూరు కారం, హను-మాన్, న సామిరంగ లాంటి సినిమాలు రిలీజ్ కాగా.. హను-మాన్ బాగా హిట్ సాధించింది.
అయితే ఇప్పటి నుంచే వచ్చే సంవత్సరం సంక్రాంతికి స్టార్ హీరోలు సిద్ధం అవుతున్నారు. దీనిపై ఇటీవల ఒక క్లారిటీ కూడా వచ్చేసింది. 2025 సంక్రాంతికి మెగాస్టార్ చిరంజీవి, యువరత్న బాలకృష్ణ, కింగ్ నాగార్జున, విక్టరీ వెంకటేశ్ పోటీ పడే అవకాశాలు స్పష్టంగా కనిపిస్తున్నాయి.
మెగాస్టార్ ‘విశ్వంభర’ ప్రాజెక్ట్ కొనసాగుతుంది. దీన్ని వచ్చే సంవత్సరం (2025) జనవరి 10వ తేదీన రిలీజ్ చేస్తామని మేకర్స్ ప్రకటించారు. బాలకృష్ణ కూడా బాబీతో భారీ బడ్జెట్ మూవీ కూడా అప్పటి వరకే రిలీజ్ అయ్యే అవకాశాలు కనిపిస్తున్నాయి. అనిల్ రావిపూడి, దిల్ రాజు కాంబోలో వెంకటేశ్ కు ఒక సినిమా ఫిక్స్ కాగా ఇది టార్గెట్ సంక్రాంతిగా తెరకెక్కుతోంది. కింగ్ నాగార్జున కూడా తన సినిమాను సంక్రాంతి కానుకగానే విడుదల చేస్తానని చెప్పారు. బంగార్రాజు సీక్వెల్ గా ఇది ఉండబోతున్నట్లు ఇండస్ట్రీ వర్గాల్లో చర్చమొదలైంది. నలుగురు సీనియర్ హీరోలు పోటీలోకి దిగితే బాక్సాఫీస్ షేక్ అవుతుందని చెప్పవచ్చు.
ఈ స్టార్ హీరోల సినిమాలకు రికార్డ్ స్థాయిలో బిజినెస్ జరుగుతోందని ఇండస్ట్రీ వర్గాల్లో చర్చ మొదలైంది. చిరు, నాగార్జు, బాలయ్య, వెంకటేశ్ ఈ నలుగురు బాక్సాఫీస్ వద్ద ఒకేసారి పోటీ పడిన సందర్భాలు దాదాపుగా లేవనే చెప్పవచ్చు. వీరిలో ఇద్దరు మాత్రమే పోటీ పడేవారు. కానీ, 2025లో ఈ నలుగురు పోటీ పడే అవకాశాలు ఉంటాయని తెలుస్తోంది. ఒక్కో సినిమా ఒక్కో జానర్ లో ఉండడం అన్ని ఒకే సమయంలో రిలీజ్ కావడం గమనార్హం.
ఈ ప్రాజెక్ట్ లు స్టార్ డైరెక్టర్ల దర్శకత్వంలో తెరకెక్కుతుండడం ఇక్కడ గమనార్హం. చిరు, బాలయ్య, నాగ్, వెంకీ అభిమానుల సంఖ్య రాను రాను పెరుగుతోంది. ఈ స్టార్ హీరోలు ఇతర భాషల ఇండస్ట్రీల్లో సైతం సత్తా చాటాలని కామెంట్లు వినిపిస్తున్నాయి.