Suhana Khan : కూతురి పాలిట డాన్ గా మారుతున్న  స్టార్ హీరో

Suhana Khan

Suhana Khan : బాలీవుడ్ లో బిగ్ బీ  అమితాబ్ తర్వాత ఆ స్థాయిలో గుర్తింపు తెచ్చుకున్న హీరో  షారుఖ్ ఖాన్. బాలీవుడ్ బాద్ షా గా అవతరించాడు. టీవీలో సిరీయళ్లతో తన నట జీవితాన్ని ప్రారంభించిన షారూఖ్  ఆ తర్వాత బాలీవుడ్ లో విలన్ గా ఎంట్రీ ఇచ్చాడు. ఆ తర్వాత హీరోగా చేసి సూపర్ స్టార్ అయ్యాడు. రాజేష్ ఖన్నా తర్వాత ప్రేమ కథా చిత్రాలకు కేరాఫ్ అడ్రస్ గా మారాడు. లవర్ బాయ్ ఇమేజ్ సొంత చేసుకున్నాడు.

బిగ్ బీ  అమితాబ్  స్టార్ డమ్ ను మరోస్థాయి కి తీసుకెళ్లిన చిత్రం డాన్.  ఈ సినిమా ను షారూఖ్ రీమేక్ చేసి సూపర్ హిట్ కొట్టాడు. బాలీవుడ్ కు కొత్త డాన్ గా అవతరించాడు.  

బాలీవుడ్ నుంచి కొద్ది రోజుల క్రితం డాన్ 3 సినిమా  అనౌన్స్ వచ్చింది. అయితే ఇందులో షారుఖ్ ఖాన్ నటించడం లేదు. స్టార్ హీరో రణ్‌వీర్‌ సింగ్‌ డాన్‌ పాత్ర చేయబోతున్నారని టాక్ వినిపించింది. కానీ ఇప్పుడు ఈ మూవీకి సంబంధించి మరో  ఇంట్రెస్టింగ్ అప్ డేట్  సోషల్ మీడియాలో స్ర్పెడ్ అవుతున్నది. తాజా సమాచారం ప్రకారం ఈ మూవీలో షారుఖ్ మరోసారి డాన్ పాత్ర చేయబోతున్నట్లు తెలిసింది.  అయితే ఇది తన కూతరు కోసం డాన్ పాత్ర చేస్తున్నాడని సమాచారం.  

‘కింగ్’ సినిమాలో  షారూక్ తో పాటు అతని కూతురు సుహానా ఖాన్ కూడా నటిస్తున్నారు. ఈ  సినిమాను షారుఖ్ ఖాన్ సొంత  ప్రొడక్షన్ లో ప్రొడ్యూస్ చేస్తున్నారు. కూతురి కోసం ఈ మూవీలో డాన్  క్యారెక్టర్  నటించేందుకు షారుఖ్ రెడీ అయ్యారు. అయితే ఇందులో డాన్ పాత్రకు సబంధించి నెగిటివ్ షేడ్స్ ఉంటాయని టాక్.

ఈ సినిమాలో ఆయన లుక్ డిజైన్ కూడా ఫైనల్ చేశారు.  రూ.200 కోట్ల భారీ బడ్జెట్ తో ఈ సినిమాను తెరకెక్కిస్తున్నారు. షారూఖ్ తో పాటు సిద్ధార్థ్ ఆనంద్, సుజోయ్ ఘోష్ ఈ సినిమా నిర్మాణంలో భాగస్వాములవుతున్నారు. ప్రస్తుతం ఈ సినిమా యాక్షన్‌ పార్ట్  షూట్ కి సంబంధించిన పనులను సిద్ధం చేస్తున్నారు. యాక్షన్ సీక్వెన్స్ రూపొందించేందుకు విదేశాల నుంచి స్పెషల్ టీమ్ తీసుకువస్తున్నట్లు సమాచారం.  ఈ యాక్షన్ పార్ట్ కోసం సుహానా  ప్రత్యేక శిక్షణ తీసుకుంటుందట.

ది ఆర్చీస్ తో ఎంట్రీ..

బాలీవుడ్ బాద్ షా  షారూఖ్ కూతరుు సుహానా ఖాన్ ‘ది ఆర్చీస్’ సినిమాతో ఇండస్ట్రీలోకి ఎంట్రీ ఇచ్చింది. కానీ ఆ మూవీ థియేటర్లలో ఇంకా రిలీజ్ కాలేదు. ఓటీటీ ప్లాట్ పామ్  నెట్‌ఫ్లిక్స్ లో స్ర్టీమింగ్ అవుతున్నది. ఇప్పుడు కింగ్ సినిమాతో  హీరోయిన్ గా సిల్వర్ స్ర్కీన్ పై ఎంట్రీ ఇవ్వనుంది. అందుకే ఆ సినిమాపై ఈ వెటరన్ హీరో ప్రత్యేక శ్రద్ధ పెట్టినట్లు తెలుస్తున్నది.