- సొంత ఇమేజ్ తోనే మరింత పాపులారిటీ
Mega Compound Hero : గత నాలుగు నెలలుగా టాలీవుడ్ నుంచి పాన్ ఇండియా స్థాయి చిత్రాలేవీ పెద్దగా రిలీజ్ కాదు. చిన్న సినిమాగా విడుదలైన హను-మాన్ డబ్బింగ్ వెర్షన్ తో హిందీలోనూ అనూహ్య విజయం సాధించింది. కనీవినీ ఎరుగని కలెక్షన్లు వసూలు చేసింది. సత్తా ఉంటే చిన్న సినిమా కూడా స్టార్ హీరోలకు మించి కలెక్షన్లు వసూలు చేయగలదని నిరూపించిందీ సినిమా.
ఇక మరో రెండు నెలల వరకు టాలీవుడ్ తో పాటు బాలీవుడ్ లోనూ చెప్పుకోగదగ్గ సినిమాలేవీ కనిపించడం లేదు. ప్రస్తుతం రాబోయే పాన్ ఇండియా స్థాయి సినిమాల్లో చెప్పుకోదగ్గవి వేళ్ల మీద లెక్క పెట్టొచ్చు. ఇందులో ప్రభాస్ కల్కి, సూర్య కంగువా, రామ్ చరణ్ గేమ్ చేంజర్. ఇందులో ప్రభాస్ కల్కి విడుదల అటు ఇటుగా ఉంది. పోస్ట్ పోన్ కు అవకాశాలు ఎక్కువగా కనిపిస్తున్నాయి. ప్రస్తుతం రాబోయే సినిమాల్లో చెప్పుకోదగ్గ సినిమా ఏదైనా ఉందటే అది ఐకాన్ స్టార్ అల్లు అర్జున్ పుష్ప-2 మాత్రమే.
టాక్ ఆఫ్ ది ఇండస్ట్రీగా పుష్ప-2..
త్వరలో విడుదల కాబోయే సినిమాల్లో పుష్ప-2 పైనే ఎక్కువ బజ్ క్రియేట్ అవుతుంది. పార్ట్-1 నమోదు చేసిన సంచలన విజయం సీక్వెల్ కు మరింత హైప్ క్రియేట్ చేస్తున్నది. ఈ సినిమా కోసం సౌత్ తో పాటు బాలీవుడ్ కూడా వెయిట్ చేస్తున్నది. ఇప్పుడు అన్ని ఇండస్ర్టీల్లోనూ పెద్ద సినిమాపై చర్చ జరుగుతున్నదంటే అది పుష్ప-2 పైనే. ఈ సినిమా రైట్స్ కోసం బయ్యర్లు భారీగా ఆపర్లు చేస్తున్నారు. కేవలం నైజాం థియేట్రికల్ రైట్స్ కోసం రూ. 100 కోట్లు పెట్టేందుకు ఓ డిస్ట్రిబ్యూటర్ ముందుకు వచ్చాడని ఇండస్ర్టీ టాక్. సింగిల్ హీరో బ్లాక్ బస్టర్ అయిన “RRR” మూవీ కంటే ఎక్కువ బిజినెస్ చూస్తుంటే అల్లు అర్జున్ రేంజ్ ఏంటో అర్థం చేసుకోవచ్చు.
మెగా కాంపౌండ్ నుంచి బయటికి..
మెగాస్టార్ చిరంజీవి టాలీవుడ్ లో తిరుగులేని స్టార్ హీరో. ఆయన తమ్ముడు పవన్ కళ్యాణ్ కు ఉన్న క్రేజ్ అంతా ఇంతా కాదు. అయితే ఇటు సినిమాలు, అటు రాజకీయాలతో బిజీగా ఉంటున్నారు. సినిమాలపై ఎక్కువగా ఫోకస్ చేయడం లేదు. కమిట్ అయిన సినిమాలను కంప్లీట్ చేసే పనిలో ఉన్నాడు. వారిద్దరి తర్వాత మెగా ఫ్యామిలీ నుంచి ఎంత మంది హీరోలు వచ్చినా ఎలివేట్ అయ్యింది రామ్ చరణ్ మాత్రమే. ఆర్ఆర్ఆర్ లాంటి సక్సెస్ ఉన్నా ఆర్సీ తన తదుపరి సినామాలు ఆ స్థాయిలో ఉండడం లేదు.
ఇక మొన్నటి వరకు మెగా కాంపౌండ్ హీరో అని పడిన ముద్రను అల్లు అర్జున్ చెరిపేసుకునే పనిలో పడ్డాడు. తన సొంత ఇమేజ్ తోనే పాన్ ఇండియా రేంజ్ లో స్టార్ డమ్ క్రియేట్ చేసుకున్నాడు. వారసత్వం అనే పదాన్ని పాన్ ఇండియా స్థాయిలో దరిదాపుల్లోకి రాకుండా చూసుకునే ప్రయత్నం చేస్తున్నాడు. రాబోయే సినిమాల లైనప్ చూస్తుంటే ఇప్పడు ఉన్న హీరోల్లో ఎక్కువ హైప్ ఉన్నది అల్లు అర్జున్ పైనే. “పుష్ప 2” ఇతర మెగా ఫ్యామిలీ హీరోలందరి సినిమాల కంటే ముందున్నది. ఈ సినిమా హిట్టయితే అల్లు ఇమేజ్ ఇక ఎలివేట్ అవుతుందనడంవలో ఎలాంటి సందేహం లేదు.