Khammam Parliament
Khammam Parliament : ప్రచారం ముగియడం, పోలింగ్‌ తేదీ దగ్గర పడుతున్నా కొద్దీ ప్రచారం కొత్త పుంతలు తొక్కుతోంది. నిన్నటి వరకు ఎండలకు బయపడి అభ్యర్థులు ఉదయం 9 గంటల లోపు సాయంత్రం 5 గంటల తర్వాత ప్రచారాలు, రోడ్ షోలు పెట్టుకునేవారు. రెండు రోజుల నుంచి వర్షం ఉండడంతో టైమింగ్స్ మారాయి. దీనికి తోడు స్టార్లను తీసుకచ్చి ప్రచారానికి గ్లామర్ యాడ్ చేస్తున్నారు అభ్యర్థులు
తెలంగాణలో ప్రముఖ టాలీవుడ్ నటుడు వెంకటేష్ మంగళవారం (మే 7) ఖమ్మం లోక్‌సభ నియోజకవర్గంలో తన బంధువు మరియు కాంగ్రెస్ అభ్యర్థి రామసహాయం రఘురాం రెడ్డికి మద్దతుగా రోడ్‌షో నిర్వహించారు. ఖమ్మం పట్టణంలో రఘురాంరెడ్డి, రాష్ట్ర దేవాదాయ శాఖ మంత్రి పొంగులేటి శ్రీనివాసరెడ్డితో కలిసి ఆయన రోడ్‌షోలో పాల్గొన్నారు.
పెద్దఎత్తున కాంగ్రెస్ కార్యకర్తలు, వెంకటేష్ అభిమానులు రోడ్‌షోలో పాల్గొన్నారు. వెంకటేశ్ ను చూసేందుకు రోడ్డుకు ఇరువైపులా గుమికూడిన ప్రజలకు వెంకటేశ్ అభివాదం చేస్తూ రఘురాంరెడ్డిని భారీ మెజార్టీతో గెలిపించాలని ఓటర్లకు విజ్ఞప్తి చేశారు.
వెంకటేష్ కూతురు ఆశ్రితకి రఘురామ్ రెడ్డి పెద్ద కొడుకు వినాయక్ రెడ్డితో వివాహం జరిగింది. ఆశ్రిత కొన్ని రోజులుగా తన మామగారి కోసం ప్రచారం చేస్తోంది. శ్రీనివాస్ రెడ్డి కూతురు స్వప్ని రఘురామ్ రెడ్డి రెండో కుమారుడు అర్జున్ రెడ్డిని వివాహం చేసుకున్నారు. రఘురామ్ రెడ్డి కాంగ్రెస్ సీనియర్ నాయకుడు, మహబూబాబాద్, వరంగల్ మాజీ ఎంపీ రామసహాయం సురేందర్ రెడ్డి కుమారుడు.
దీంతో లోక్‌సభ ఎన్నికల కోసం తెలంగాణలోని అభ్యర్థులకు మద్దతుగా ప్రచారం చేసిన తొలి టాలీవుడ్ నటుడు వెంకటేష్.