Vishnu Priya : సొంత చెల్లిని ఇంట్లో నుండి గెంటేసిన స్టార్ యాంకర్ విష్ణు ప్రియా..అసలు ఏమైందంటే!

Anchor Vishnu Priya Sister

Anchor Vishnu Priya : బుల్లితెర మీద ఉన్న స్టార్ యాంకర్స్ లో ఒకరు విష్ణు ప్రియా ఈటీవీ ప్లస్ ఛానల్ లో ప్రసారమయ్యే ‘పోవే పోరా’ షో ద్వారా ఈమె బాగా పాపులర్ అయ్యింది. ఈ షో లో సుడిగాలి సుధీర్ తో కలిసి ఆమె చేసిన రచ్చ, గోల కి టీఆర్ఫీ రేటింగ్స్ అదిరిపోయాయి. ఒకే ఒక్క షో తో టాప్ కి చేరుకున్న విష్ణు ప్రియా కి బుల్లితెర మీద మరికొన్ని ఎంటర్టైన్మెంట్ షోస్ కి యాంకరింగ్ చేసే అవకాశం దక్కింది.

అంతకు ముందు ఆమె యూట్యూబ్ లో తన సొంత ఛానల్ లో వీడియోస్ చేసుకుంటూ ఉండేది. పలు షార్ట్ ఫిలిమ్స్ లో కూడా నటించింది. అలా కెరీర్ ప్రారంభం లో ఎన్నో కష్టాలను ఎదురుకున్న తర్వాతే ఆమెకి నేడు ఈ స్థానం లభించింది. బుల్లితెర మీద వచ్చిన క్రేజ్ తో ఈమెకి పలు సినిమాల్లో నటించే ఛాన్స్ కూడా కొట్టేసింది.

సినిమాల్లో ఆమెకి పెద్ద పేరు ప్రఖ్యాతలు రాలేదు కానీ, వెబ్ సిరీస్ల ద్వారా మాత్రం అద్భుతమైన పేరుని సంపాదించింది అనే చెప్పాలి. అంతకు ముందు ఆహా మీడియా లో ‘బ్యూటీ &  బేకర్స్’ వెబ్ సిరీస్ చేసింది. ఈ సిరీస్ లో ఈమె నెగటివ్ షేడ్ రోల్ లో అదరగొట్టింది. ఈ సిరీస్ తర్వాత ఆమె డిస్నీ + హాట్ స్టార్ లో జేడీ చక్రవర్తి హీరో గా నటించిన ‘దయ’ అనే వెబ్ సిరీస్ చేసింది. ఇందులో ఆమె జర్నలిస్ట్ పాత్రలో సిరీస్ మొత్తం కనిపిస్తుంది. ఈ సిరీస్ లో కూడా ఆమె నటనకి మంచి మార్కులే పడ్డాయి. అలా చేసిన రెండు వెబ్ సిరీస్ లు బాగా హిట్ అవ్వడం తో ఇప్పుడు ఓటీటీ మీడియం లో విష్ణు ప్రియా కి మంచి డిమాండ్ ఉంది.

కానీ ఆమె ఇది వరకు లాగ బుల్లితెర మీద యాంకరింగ్ మాత్రం చెయ్యడం లేదు. ఇది ఇలా ఉండగా విష్ణు ప్రియా కి పావని అనే చెల్లి ఉందట. ఒక గొడవ కారణంగా ఆమె తన చెల్లిని ఇంట్లో నుండి గెంటేసింది అట. కానీ ఇప్పుడు తల్లి వర్థంతి అవ్వడం తో మళ్ళీ వెనక్కి పిలిపించుకుందట. ఆ తర్వాత ఆమెని షాపింగ్ కి తీసుకెళ్లి మంచి ఖరీదైన నెక్లెస్ ని కొనిచ్చిందట. కానీ ఇంతకీ ఆమె తన చెల్లెలుని ఎందుకు ఇంటికి నుండి బయటకి గెంటేసింది అనే విషయం మాత్రం అర్థం కావడం లేదు.