SSMB29 :రాముడిగా మహేష్.. ఈ ట్విస్ట్ అస్సలు ఊహించలేదు జక్కన్న

SSMB29

SSMB29:సెన్సేషనల్ డైరెక్టర్ రాజమౌళి తెరకెక్కించే సినిమాలో సూపర్ స్టార్ మహేష్ బాబు రాముడిగా కనిపించబోతున్నాడనే టాక్ వినిపిస్తోంది. మహేష్ బాబు-రాజమౌళి కాంబోలో రూపుదిద్దుకుంటున్న సినిమా కథకు, రామాయణానికి పరోక్షంగా లింకు ఉందని తెలుస్తోంది. మహేష్ ఓ సందర్భంలో రాముడి అవతారంలో కనిపించబోతున్నాడట. ఈ కీలక సన్నివేశాల చిత్రీకరణ వారణాసిలో జరగనున్నట్లు తెలుస్తోంది. ఇక మహేష్ బాబు రాముడిగా కనిపించబోతున్నాడనే వార్త బయటకు రావడంతో… అభిమానులు ఆనందాన్ని వ్యక్తం చేస్తున్నారు.. మహేష్ బాబు రాముడి అవతారంలో ఉన్న ఫొటోలను సోషల్ మీడియాలో షేర్ చేస్తున్నారు.  ముఖ్యంగా రాముడి అవతారంలో మహేష్ బాబు ఉన్న ఏఐ చిత్రాలు సోషల్ మీడియాను షేక్ చేస్తున్నాయి.

సూపర్ స్టార్ మహేష్ బాబుతో తాను చేస్తున్న సినిమాకు సంబంధించి దర్శకుడు రాజమౌళి ఇటీవల ఓ అప్ డేట్ ఇచ్చిన సంగతి తెలిసిందే. సోషల్ మీడియాలో తాను ఎడారిలో తిరుగుతున్న ఫొటోను షేర్ చేశారు. దీంతో మహేష్ సినిమా కోసం లొకేషన్లు వెతుకుతున్నట్లు తేలిపోయింది. త్వరలో అప్‌డేట్ కావాలని అభిమానులు కామెంట్స్ చేస్తున్నారు. అయితే ఈ సినిమాలో జంతువులు ఎక్కువగా కనిపిస్తాయని జక్కన్న ఇటీవల హింట్ ఇచ్చాడు. అతను పోస్ట్ చేసిన ఫోటోలో జంతువుల గుంపు ఉంది. ఆ ఫోటో వైరల్ అయిన సంగతి తెలిసిందే. కనీసం ఈ అప్ డేట్ అయినా ఇచ్చారని అభిమానులు ఆనందం వ్యక్తం చేశారు.