Srileela : బాలీవుడ్ లోకి శ్రీలీల.. మరో స్టార్ హీరోయిన్ తో స్ర్కీన్ షేరింగ్

Srileela

Srileela : టాలీవుడ్ లో  మొన్నటి దాకా శ్రీలీల డేట్స్ ఖాళీలేవు. దాదాపు రెండుమూడేళ్ల పాటు  వరుస సినిమాలతో బిజీగా మారిపోయింది. అయితే గుంటూరు కారం సినిమా తర్వాత శ్రీలీల కెరీర్ కు ఒక్కసారిగా బ్రేకులు పడినట్లయ్యింది. బుచ్చి బాబు,  రామ్  చరణ్ కాంబినేషన్ లో రాబోతున్న సినిమాలో ముందుగా హీరోయిన్ గా శ్రీలీలకే అవకాశం దక్కింది. కానీ ఎందుకో ఆ సినిమా నుంచి తప్పుకోవడంతో ఆ అవకాశం బాలీవుడ్ బ్యూటీ జాన్వీ కపూర్ కు దక్కింది. తమిళ సూపర్ స్టార్ విజయ్ గోట్ సినిమాలో ఓ స్పెషల్ సాంగ్ కోసం నిర్మాతలు భారీ ఆఫర్ ఇచ్చారట. ఆ ఆఫర్ ను శ్రీలల తిరస్కరించినట్లు రూమర్లు వచ్చాయి.  కానీ ఈ విషయంపై శ్రీలీల కానీ, అటు నిర్మాతలు కానీ స్పందించలేదు.

తాజాగా శ్రీలీల పవన్ కల్యాణ్ ఉస్తాద్ భగత్ సింగ్, నితిన్ రాబిన్ హుడ్ తో పాటు తనకు భారీ హిట్టిచ్చిన రవితేజతో కలిసి మరో సినిమా చేస్తున్నది. ఇదిలా ఉండగా ఈ చిన్నది  బాలీవుడ్ లో పాగా వేసేందుకు  ప్రయత్నాలు చేస్తున్నదట. అక్కడి నిర్మాతలు, హీరోలతో తన టీమ్ తో కలిసి ప్రయత్నాలు చేస్తున్నదని సమాచారం. ఇటీవల బాలీవుడ్ యువ హీరో సినిమాలో శ్రీలీల సెకండ్ హీరోయిన్ గా అవకాశం దక్కించుకున్నట్లు తెలిసింది. అయితే  ఓ స్టార్ యాక్టర్ కూతురు ఆ అవకాశాన్ని ఎగరేసుకు పోయిందని రూమర్లు వచ్చాయి. ఇందులో నిజమెంతో అబద్ధమెంతో తెలియదు.

టాలీవుడ్ నుంచి బాలీవుడ్ వెళ్లిన హీరోయిన్స్ సంఖ్య చాలా తక్కువే.  మరి బాలీవుడ్ బాట పట్టబోతున్న జాబితాలో టాలీవుడ్ బ్యూటీ శ్రీలీల నిలిచింది.  ఎనర్జీకి మరో పేరులా మారిన ఈ యంగ్ బ్యూటీ మొన్నటి దాకా ఇండియా లోనే అత్యంత బిజీగా మారిన హీరోయిన్ గా నిలిచింది. “గుంటూరు కారం” తో పెద్దగా సినిమాలు లేవు. కాగా బాలీవుడ్ లో శ్రీలీల వచ్చే ఏడాది అడుగు పెట్టబోతున్నదట. యువ హీరో వరుణ్ ధావన్ సినిమాలో శ్రీలీల హీరోయిన్ గా చేయనుందని టాక్. టాలీవుడ్ లో తన సినిమాలతో పాటే వచ్చిన అనతి కాలంలోనే స్టార్ హీరోయిన్ గా ఎదిగిన మృణాల్ ఠాకూర్ కూడా ఈ  మూవీలో చేయనుందట. బాలీవుడ్ కు వెళ్లిన మృణాళ్ ప్రస్తుతం  శ్రీలీలని కూడా తీసుకెళ్తుందనే నెటిజన్లు కామెంట్లు చేస్తున్నారు.న సౌత్ లో  శ్రీలీల తన టాలెంట్ తో అందరినీ ఆకట్టుకుంది. మరి బాలీవుడ్ లో ఎలాంటి క్రేజ్ తెచ్చుకుంటుంందో చూడాల్సిందే.