Sri Rama Puttabhishekam : ఎడిసన్ SDP SSV దేవస్థానంలో భక్తిశ్రద్ధలతో శ్రీ రామ పుట్టభిషేకం

Sri Rama Puttabhishekam

Sri Rama Puttabhishekam : అమెరికాలోని న్యూజెర్సీ రాష్ట్రం, ఎడిసన్ నగరంలోని SDP SSV దేవస్థానంలో ఈ ఏడాది శ్రీ సీతారామ కళ్యాణం , శ్రీ రామ పుట్టభిషేకం మహోత్సవాలు అతి వైభవంగా జరిగాయి..

భక్తులందరికి ఇది ఒక ఆధ్యాత్మిక ఉత్సవంగా అనుభూతి పొందారు. తన్మయత్వం చెందారు. ఈ వేడుకల్లో యూబ్లడ్ ఫౌండర్ డాక్టర్ జై, జగదీష్ బాబు యలమంచిలి గారు పాల్గొని పూజలు చేశారు. నిర్వాహకులు ఆయనకు దేవుడి చిత్రపటాలు జ్ఞాపికలు అందజేశారు.

– శ్రీ సీతారామ కళ్యాణం

ఏప్రిల్ 5, 2025 (శనివారం) ఉదయం 10:00 గంటల నుండి శ్రీ సీతారాముల కల్యాణ మహోత్సవం కన్నుల పండువగా సాగింది… వేద ఘోషలు, మంగళవాయిద్యాలు మధ్య శ్రీ రాముడు మరియు సీతామాతల వివాహం ఎంతో శ్రద్ధాభక్తులతో జరిగింది. భక్తులు ఈ వేడుకలో పాల్గొనడం ద్వారా దైవిక కృపకు పాత్రులయ్యారు.

– శ్రీ రామ పుట్టభిషేకం

ఇదే రోజు సాయంత్రం 6:00 గంటల నుండి శ్రీ రామ పుట్టాభిషేక మహోత్సవం అంగరంగ వైభవంగా జరిగింది.. ఈ కార్యక్రమంలో శ్రీరామునికి పట్టాభిషేకం చేసి ఆయన్ని అయోధ్యాధిపతిగా అభిషేకించబడే విధంగా నిర్వహించారు. ఇది రామరాజ్య స్థాపనకు ప్రతీకగా పరిగణించబడిందని భక్తులు సంబరంగా ఉత్సవం జరుపుకున్నారు.

ఈ రెండు మహోత్సవాలు శ్రీరాముని జీవితం నుండి అత్యంత కీలకమైన ఘట్టాలను గుర్తు చేస్తాయి. దేవస్థాన కమిటీ అన్ని ఏర్పాట్లను భక్తుల సౌకర్యార్థం శ్రద్ధగా నిర్వహిస్తోంది.