Sreeleea : సెట్ లో ఉన్నంతసేపు నాకు అదే మూడ్ ఉంటుంది అంటూ శ్రీలీల షాకింగ్ కామెంట్స్!

Sreeleea

Sreeleea : ఇండస్ట్రీ లోకి వచ్చిన అతి తక్కువ సమయం లోనే ఏ హీరోయిన్ చూడనంత స్టార్ స్టేటస్ ని చూసిన హీరోయిన్ ఎవరైనా ఉన్నారా అంటే అది శ్రీలీలనే అని చెప్పొచ్చు. పెళ్ళిసందడి చిత్రంతో వెండితెర అరంగేట్రం చేసిన ఈ అమ్మాయి, అందరి దృష్టిని విశేషంగా ఆకట్టుకుంది. ఎవరు ఈ అమ్మాయి ఇంత టాలెంట్ చూపిస్తుంది, ఈ రేంజ్ లో డ్యాన్స్ వేస్తుంది అని ప్రతీ ఒక్కరు అనుకున్నారు.

అలా పాపులారిటీ ని దక్కించుకున్న శ్రీలీల ధమాకా చిత్రం తో భారీ బ్లాక్ బస్టర్ హిట్ ని అందుకొని ఇండస్ట్రీ మొత్తాన్ని తనవైపుకు చూసేలా చేసింది. ఎందుకంటే ఈ సినిమా హిట్ అయ్యింది కేవలం ఆమె డ్యాన్స్ వల్లే అని టాక్. ఆ తర్వాత వరుసగా సినిమా అవకాశాలు కొట్టేసిన శ్రీలీల కెరీర్ లో హిట్స్ కంటే ఫ్లాప్స్ ఎక్కువ. రీసెంట్ గా విడుదలైన ‘గుంటూరు కారం’ చిత్రం కూడా కమర్షియల్ గా పెద్ద ఫ్లాప్ అయ్యింది.

దీంతో శ్రీలీల కి ఐరన్ లెగ్ అనే పేరు వచ్చేసింది. ఇండస్ట్రీ కి పెద్ద శనిలాగా తయారైంది, డ్యాన్స్ తప్ప యాక్టింగ్ రాదూ అంటూ ఆమెని నెటిజెన్స్ మరియు మహేష్ ఫ్యాన్స్ తిట్టడం మొదలు పెట్టారు. ఇదంతా పక్కన పెడితే రోజుకు రెండు మూడు సినిమాల షూటింగ్స్ లో ఉంటారు కదా, ఒత్తిడిని ఎలా తీసుకుంటారు అని శ్రీలీల ని అడగగా ‘నాకు ఎలాంటి ఒత్తిడి ఉండదు. నేను రోజుకి రెండు మూడు సినిమాలను చేసినా కూడా, ఏ పాత్రకి తగ్గట్టు ఆ పాత్రకు ఒదిగిపోతాను. నేను షూటింగ్ సెట్స్ లో ఉన్నంతసేపు నా ద్యాస, మూడ్ మొత్తం నటనపైనే పెడతాను.

కేవలం నటన విషయం లో మాత్రమే కాదు, చదువు విషయం లో కూడా అంతే, పుస్తకం పట్టానంటే పూర్తి అయ్యేవరకు పైకి లెయ్యను, నాలో ఉన్న పాజిటివ్ ఇదే’ అంటూ శ్రీలీల చేసిన కామెంట్స్ ఇప్పుడు సోషల్ మీడియా లో బాగా వైరల్ అయ్యింది. ఇక ‘గుంటూరు కారం’ తర్వాత శ్రీలీల చేతిలో పవర్ స్టార్ పవన్ పవన్ కళ్యాణ్ హీరో గా నటిస్తున్న ‘ఉస్తాద్ భగత్ సింగ్’ చిత్రం తో పలు మీడియం రేంజ్ సినిమాలు కూడా ఉన్నాయి. ఈ సినిమాలు శ్రీలీల ని ఫ్లాప్స్ నుండి బయటపడేస్తుందా లేదా అనేది చూడాలి.