Sobhita dhulipala:మిస్ట‌రీమ్యాన్‌తో బాంద్రాలో శోభిత ఏం చేస్తోంది?
Sobhita dhulipala:అక్కినేని నాగచైత‌న్య- స‌మంత జంట విడిపోయిన క్ర‌మంలో చైత‌న్య‌తో శోభిత ధూళిపాల ప్రేమాయ‌ణం సాగిస్తోందంటూ ప్ర‌చార‌మైంది. అప్ప‌ట్లో ఒక పాప‌ల‌ర్ చెఫ్ చై-శోభిత జంట లంచ్ డేట్ లో ఉన్న ఓ ఫోటోగ్రాఫ్ ని షేర్ చేయ‌డంతో పెద్ద ర‌చ్చ‌యింది. అదంతా అటుంచితే శోభిత ధూళిపాల కానీ, చైత‌న్య కానీ త‌మ డేటింగ్ గురించి ఎప్పుడూ అంగీక‌రించ‌లేదు.
కానీ ఇప్పుడు ముంబై బాంద్రాలో శోభితా ధూళిపాళ ఒక మిస్టరీ మ్యాన్‌తో కెమెరా కంటికి చిక్కింది అంటూ జాతీయ మీడియా టైమ్స్ ఆఫ్ ఇండియా వెబ్ లో ఒక క‌థ‌నం వెలువ‌రించ‌డం చ‌ర్చ‌గా మారింది. స‌ద‌రు మిస్టరీ మ్యాన్ కి సంబంధించిన వీడియోని ఈ క‌థ‌నానికి టైమ్స్ జోడించింది. అయితే శోభిత‌తో పాటు ఉన్న ఆ మిస్టరీ మ్యాన్ ఎవ‌రు? అంటూ ఇప్పుడు ఆరాలు మొద‌ల‌య్యాయి.
శోభిత ప్ర‌స్తుతం తెలుగు-హిందీ చిత్రాల‌తో బిజీగా ఉంది. వెబ్ సిరీస్ ల‌తోను మంచి పేరు తెచ్చుకుంటోంది. ఇంత‌కుముందు మ‌ణిర‌త్నం `పొన్నియిన్ సెల్వన్ 2`లోను శోభితా ధూళిపాల న‌టించింది. ఇటీవల ముంబైలోని బాంద్రా ప్రాంతంలోని ఓ కేఫ్ నుండి మిస్టరీ మ్యాన్‌తో బయటకు వెళుతున్నప్పుడు తీసిన ఫోటో ఇప్పుడు హాట్ టాపిక్ గా మారింది. నిజానికి మిస్టరీ మ్యాన్ తో వెళుతున్న క్ర‌మంలో ఫోటోగ్రాఫ‌ర్ల‌కు పోజులివ్వకూడదని భావించింది. అంతేకాదు.. తన కారు వైపు వేగంగా నడిచింది. ఈ వీడియో ఆన్‌లైన్‌లో కనిపించిన వెంటనే చాలా ఊహాగానాలకు దారితీసింది. నెటిజన్లు మిస్టరీ మ్యాన్ ఎవ‌రో తెలుసుకోవాల‌ని ప్ర‌య‌త్నిస్తున్నారు.
గూఢ‌చారి చిత్రంలో అద్భుత నటనతో ఆక‌ట్టుకున్న శోభిత ధూళిపాళ ఆ త‌ర్వాత మేజ‌ర్ చిత్రంలోను అతిథి పాత్ర‌తో మెప్పించింది. మేడ్ ఇన్ హెవెన్ సీజన్ 2, ది నైట్ మేనేజర్‌ సిరీస్ ల‌లో తన నటనతో మంత్ర‌ముగ్ధం చేసింది. శోభితా ధూళిపాళ న‌టిగా అద్భుతమైన సమీక్షలను పొందింది. ఈ బ్యూటీ సోష‌ల్ మీడియాల్లో ఎంతో యాక్టివ్ గా ఉంది. త‌దుప‌రి అడివి శేష్ స‌ర‌స‌న జి2లో న‌టించ‌నుంది.
