Smita Sabharwal
Smita Sabharwal : దేశంలోనే మోస్ట్ పాపులర్, బ్యూటిఫుల్ ఐఏఎస్..స్మితా సబర్వాల్ సోషల్ మీడియాలో ఫుల్ యాక్టివ్ గా ఉంటారు. చిన్న వయస్సులోనే సివిల్ సర్వీస్ సాధించిన ఈమెకు దేశవ్యాప్తంగా ఫాలోవర్స్ ఉన్నారు. ఇక మన తెలుగు రాష్ట్రాల్లోనైతే లెక్కే లేదు. సోషల్ మీడియాలో నిత్యం వినూత్న పోస్టులు, మహిళా సాధికారత.. తదితర పోస్టులు పెడుతుంటారు. నిన్న వసంత పంచమి సందర్భంగా మరో కొత్త పోస్టుతో తన ఫాలోవర్స్ ను పలకరించారు. వసంత పంచమి శుభాకాంక్షలు అంటూ ట్విటర్ ఫాలోవర్స్ కు ట్వీట్ చేశారు.
ఈ సందర్భంగా తన స్పెషల్ ఫొటోను ఫాలోవర్స్ తో పంచుకున్నారు. 1999 సంవత్సరంలో తీసిన ఫొటో అంటూ చెప్పుకొచ్చారు. ఆమె చెప్పిన ప్రకారం అయితే స్మితా సబర్వాల్ 2000 సంవత్సరంలో యూపీఎస్సీ ఎగ్జామ్ క్లియర్ చేశారు. అప్పుడు స్మితాకు 22 ఏండ్లు. అంటే సదరు ఫొటో తీసుకున్నప్పుడు ఆమెకు 21 ఏండ్ల వయస్సులో తీసుకున్నదని అర్థం అవుతోంది.
ఈ ఫొటోను చూసిన నెటిజన్లు రకరకాలుగా స్పందిస్తున్నారు. వసంత పంచమి శుభాకాంక్షలు చెపుతూనే ‘చాలా బాగున్నారు మేడం..’’ అంటూ కామెంట్లు పెట్టారు. ఓ నెటిజన్ మాత్రం ఇంకాస్త ముందుకెళ్లి ఫుల్ ఎగ్జయిట్ మెంట్ తో ..‘‘మేడం మీరు నిజంగా సరస్వతీ దేవిలాగా కనిపిస్తున్నారు’’ అంటూ ఏకంగా దేవతతోనే పోల్చుతూ ఆకాశానికెత్తేశాడు. మరో మహిళ కూడా ఓ కామెంట్ చేసింది. ఆమెకు మేడమ్ రిప్లై కూడా ఇచ్చారు. ఇంతకీ ఆ మహిళ ఏ కామెంట్ పెట్టిందంటే..
ఈ మధ్య సోషల్ మీడియాలో తెగ వైరల్ అవుతున్న లైన్స్..‘‘ సో బ్యూటిఫుల్.. సో ఎలిగెంట్.. జస్ట్ లుకింగ్ లైక్ వావ్ మేడం..’’ అంటూ ఆమె కామెంట్ చేసింది. ఈ కామెంట్ కు స్మితా సబర్వాల్ స్పందించి ‘లాఫింగ్ ఎమోజీ’ని రిప్లై ఇచ్చారు. అయితే చాలా మంది వివిధ రకాలుగా కామెంట్ చేసినప్పటికీ ఆ ఒక్క నెటిజన్ కే రిప్లై ఇవ్వడం గమనార్హం.