sustainable future : ప్రస్తుతం ప్రపంచంలోని అన్ని దేశాలు ఎదుర్కొంటున్న ప్రధాన సమస్యల్లో పర్యావరణ కాలుష్యం ఒకటి. విచ్చలవిడిగా శిలాజ ఇంధనాల వినియోగం వల్ల సహజ వాతావరణంలో మార్పులు వచ్చి గాలి, భూమి, నీటి కాలుష్యం పెరుగుతోంది. పారిశ్రామికీకరణ ఫలితంగా భూతాపం పెరిగి విపత్తులకు దారితీస్తోంది. ఈ పరిణామాలు మానవులతో పాటు జలచరాలు, అడవి జంతువుల జీవితం, మొత్తం పర్యావరణ వ్యవస్థపై ప్రతికూల ప్రభావాన్ని చూపాయి. కోలుకోలేని నష్టాలను కలిగించే పరిస్థితులను నియంత్రించడానికి అంతర్జాతీయ ఒప్పందాల ముఖ్యమైన అంశాలను అభ్యర్థులు తెలుసుకోవాలి. ప్రధాన కాలుష్య కారకాలు, వినియోగ వస్తువులలోని హానికరమైన అంశాలు, భారీ లోహాలు, ఆమ్ల వర్షం, సముద్ర ఆమ్లీకరణ, ఓజోన్ పొరకు నష్టం మొదలైన వాటిపై తగిన అవగాహన ఉండాలి.
పర్యావరణాన్ని పరిరక్షిస్తే మన జీవితాలు సురక్షితంగా ఉంటాయని ప్రపంచ ఆరోగ్య సంస్థ చెబుతోంది. ప్రకృతి విధ్వంసం మానవాళికి శాపమని తాజాగా ఓ నివేదిక పేర్కొంది. మన ఆరోగ్యాన్ని కాపాడుకోవాలంటే లోపలా బయటా స్వచ్ఛమైన గాలి, మంచి వాతావరణం, మనిషి మనుగడకు అనువైన నీరు, ముఖ్యంగా రేడియేషన్ నుంచి రక్షణ, శబ్ధ కాలుష్య నియంత్రణ, సరైన పోషకాహారం, సమతుల్య వాతావరణం అవసరమని ప్రపంచ ఆరోగ్య సంస్థ చెబుతోంది. ఇవన్నీ సక్రమంగా జరగకపోతే పర్యావరణం కలుషితమై ఇలాంటి వాతావరణ మార్పులతో మన జీవితాలు రోగాల బారిన పడతాయని ప్రపంచ ఆరోగ్య సంస్థ చెబుతుంది.
సుస్థిరమైన భవిష్యతు కోసం మనం కొన్ని చిన్న పనులు చేయడం ద్వారా పర్యావరణానికి ఎంతో మేలు చేసిన వాళ్లం అవుతాం. ట్రాఫిక్ లైట్లు/రైల్వే క్రాసింగ్‌ల వద్ద కారు/స్కూటర్ ఇంజిన్‌లను స్విచ్ ఆఫ్ చేయడం ద్వారా 22.5 బిలియన్ కిలో వాట్ల శక్తిని ఆదా చేయవచ్చు. అలాగే వాడకంలో లేనప్పుడు యాక్టివ్‌గా ట్యాప్‌లను కట్టి వేయడం వల్ల 9 ట్రిలియన్ లీటర్ల నీటిని ఆదా చేయవచ్చు. ప్లాస్టిక్ కవర్లకు బదులుగా షాపింగ్ చేసేటప్పుడు గుడ్డ బ్యాగ్‌ని ఉపయోగించడం వల్ల 375 మిలియన్ టన్నుల ఘన వ్యర్థాలను ఆదా చేయవచ్చు. అలాగే సమీపంలోని ఇ-రీసైక్లింగ్ యూనిట్‌లోని పని చేయని గాడ్జెట్‌లను వదిలి పెట్టడం ద్వారా 0.75 మిలియన్ టన్నుల ఇ-వ్యర్థాలను రీసైకిల్ చేయవచ్చు. ఇంట్లో వ్యర్థ పదార్థాలను కంపోస్ట్ చేయవచ్చు. ప్రతి ఇంట్లో ఆహారం వృధా చేయకపోతే 15 బిలియన్ టన్నుల ఆహారాన్ని ఆదా చేయవచ్చు.