Sitara : హీరోయిన్ గా ఎంట్రీ ఇవ్వబోతున్న సితార.. మొదటి సినిమా ఆ హీరోతో?

Sitara who is going to enter as a heroine

Sitara : సోషల్ మీడియా ద్వారా కోట్లాది మంది తెలుగు ప్రజలకు బాగా దగ్గరైన వారిలో ఒకరు సితార ఘట్టమనేని. మహేష్ బాబు కూతురిగా ఈమెకి మొదటి నుండి మంచి పాపులారిటీ ఉంది. కానీ సోషల్ మీడియా లో వచ్చిన తర్వాత ఆమె చేసే రీల్ వీడియోస్, సహాయ సహకార కార్యక్రమాలతో ఆమె అభిమానులకు ఎంతో చేరువ అయ్యింది. సోషల్ మీడియాలో ఎప్పటికప్పుడు తన ఆలోచనలను అభిమానులతో పంచుకుంటూ ఉండే సితార, అప్పుడప్పుడు అభిమానులతో సోషల్ మీడియా లో చిట్ చాట్ లు కూడా చేస్తూ ఉంటుంది.

రీసెంట్ గానే ఆమె తల్లి నమ్రత శిరోద్కర్ పుట్టినరోజు జరిగింది. ఈ సందర్భంగా ఆమె ఇంస్టాగ్రామ్ లో ఏర్పాటు చేసిన లైవ్ చాట్ సెషన్ ఇప్పుడు సోషల్ మీడియాలో హాట్ టాపిక్ గా మారింది. ఒక అభిమాని సితార ని ఒక ప్రశ్న అడుగుతూ ‘మీరు చూసేందుకు ఎంతో అందంగా ఉన్నారు, చాలాకి తనం కూడా, సినిమాల్లోకి వస్తే మీ దెబ్బకి ఇప్పుడు ఉన్న స్టార్ హీరోయిన్స్ అందరూ పారిపోతారు’ అని అంటాడు.

సితార దానికి సమాధానం ఇస్తూ ‘నటన మీద ఆసక్తి ఉంది..చూద్దాం త్వరలో’ అంటూ సమాధానం ఇచ్చింది. దీంతో సితార కి నటన మీద ఆసక్తి ఉంది, త్వరలోనే సినిమాల్లోకి ఎంట్రీ ఇవ్వబోతుంది అంటూ సోషల్ మీడియా లో ప్రచారం సాగింది. సితార ఇంకా చదువుకునే వయస్సులోనే ఉంది. ఆమె సినిమాల్లోకి రావొచ్చు కానీ, హీరోయిన్ గా లీడ్ రోల్స్ చెయ్యడానికి ఇంకా చాలా సమయం ఉంది అంటూ నమ్రత పలు సందర్భాలలో తెలిపిన సంగతి తెలిసిందే. కానీ సితార కి మాత్రం నటించాలనే ఆసక్తి మెండుగా ఉన్నట్టుగా అనిపిస్తుంది.

రీసెంట్ గానే ఆమె ఒక యాడ్ లో నటించి అందరికీ క్యూట్ సర్ప్రైజ్ ని ఇచ్చిన సంగతి తెలిసిందే. మొదటిసారి ఆమె కెమెరా ముందు నటించడం ఈ యాడ్ తోనే జరిగింది. ఈ యాడ్ లో సితార నటనకి మంచి పేరు వచ్చింది. ప్రస్తుతం సితార విశాఖ లో సత్య నంద్ దగ్గర యాక్టింగ్ కోర్స్ తీసుకుంటున్నట్టు వార్తలు వినిపించాయి. ఇందులో ఎంతవరకు నిజం ఉందో చూడాలి. గతం లో ఆమె సూపర్ స్టార్ మహేష్ బాబు హీరో గా నటించిన ‘సర్కారు వారి పాట’ సినిమాలోని ‘పెన్నీ పెన్నీ’ సాంగ్ కి డ్యాన్స్ వేసింది సితార. అంతే కాకుండా ఇంస్టాగ్రామ్ లో లేటెస్ట్ హిట్ మూవీస్ లోని పాటలకు డ్యాన్స్ చేసిన సందర్భాలు చాలానే ఉన్నాయి .