Sitara Ghattamaneni
Sitara Ghattamaneni : మహేశ్ బాబు కూతురు సితార సేవా కార్యక్రమాల్లో తండ్రి బాటలోనే నడుస్తుంది. సితారకు యూట్యూబ్ చానల్, ఇన్ స్టాగ్రాం ఉంది. ఇందులో వచ్చే రెమ్యూనరేషన్ ను పేద విద్యార్థులకు, వృద్ధాశ్రమాలకు సాయం చేస్తూ తన గొప్ప మనసును చాటుకుంటోంది.
తన పుట్టిన రోజు సందర్భంగా మెడిసిన్‌ చదవాలనుకున్న ఒక పేద విద్యార్థినికి సితార సాయం చేసింది. 2024లో మెడికల్ ఎంట్రెన్స్ ఎగ్జామ్ నీట్ లో నవ్యశ్రీ అనే విద్యార్థికి 605 మార్కులు రాగా.. ప్రభుత్వ మెడికల్ కాలేజీలో సీటు సాధించింది. పేదరికం కారణంగా పుస్తకాలు, హాస్టల్ ఫీజు, కనీసం కాలేజీ ఫీజులు కూడా కట్టుకోలేని స్థితిలో ఆ విద్యార్థిని ఉండటంతో నా చదువుకు సాయం చేయండి అంటూ సూపర్ స్టార్ కృష్ణ కుటుంబం, మహేశ్ బాబు ఫౌండేషన్ ను వేడుకుంది.
నవ్యశ్రీ చదువుకు మహేశ్ బాబు ఫౌండేషన్ రూ. 1,25,000 చెక్కుతో పాటు మెడిసన్ విద్య పూర్తి అయ్యే వరకు డబ్బు అందిస్తామని హామీ ఇచ్చారు. సితార ఇలా నవ్యశ్రీతో తన పుట్టినరోజును సెలబ్రెట్ చేసుకుని ఆమె కళ్లల్లో ఆనందాన్ని పొందింది. ఈ విషయాన్ని సితార తల్లి నమ్రత సోషల్ మీడియాలో షేర్ చేసింది.
ఒక కూలీ కూతురు అయిన నవ్యశ్రీ తన తండ్రి పడుతున్న కష్టాన్నిచూసి బాగా చదువుకోవాలని నిర్ణయం తీసుకుని ముందుకు సాగింది. నీట్ లో మంచి మార్కులు సాధించి ప్రభుత్వ మెడికల్ కాలేజీలో సీటు సాధించింది. అయితే ఆమెకు పేదరికం అడ్డు రాగా చదువు ఆగిపోయే దశలో సితార సాయం చేయడం చూసి నెటిజన్లు మెచ్చుకుంటున్నారు. నీ అంతా గొప్ప మనసు ఎవరికీ ఉండదని ప్రశంసిస్తున్నారు. సితార ఈ మధ్యే ఆరో తరగతి పూర్తి చేసుకుని ఏడో తరగతిలో చేరుతున్నట్లు ప్రకటించినా.. ఇతరులకు సేవ చేయడంతో చిన్నప్పటి నుంచే ఆమె ముందంజలో ఉండటం చాలా గొప్ప విషయం.