Singer Chinmai : ప్లే బ్యాక్ సింగర్ చిన్మయి శ్రీపాద సినీ సెలెబ్రిటీలపై గతంలో సంచలన ఆరోపణలు చేసిన విషయం తెలిసిందే. ప్రస్తుతం మరో నటుడిపై ఆరోపణలు చేసింది. చిన్మయి చిన్నారులు, మహిళలపై జరిగే ఆకృత్యాలు, అఘాయిత్యాలపై సోషల్ మీడియాలో స్పందిస్తుంటారు. ఆయా ఘటనపై పోస్టులు పెడుతుంటారు. గతంలో లైంగిక బాధితురాలిగా మీటూ ఉద్యమంలో కీలక పాత్ర పోషించిన చిన్నయి తనలాంటి బాధిత మహిళల కోసం నిత్యం పోరాడుతూనే ఉన్నారు. తమిళ సినీ దిగ్గజం వైరముత్తు లాంటి పైనా కామెంట్స్ చేసింది ఈ సింగర్.
తాజాగా ప్రముఖ నటుడు జాన్ విజయ్ మహిళలను లైంగికంగా వేధించాడని సోషల్ మీడియాలో చేసిన పోస్ట్ లో ఆరోపించింది. కొద్ది రోజుల క్రితం ఇంటర్వ్యూకు వెళ్లిన ఓ మహిళా జర్నలిస్ట్‌తో జాన్ విజయ్ అసభ్యంగా ప్రవర్తించాడని ఆరోపించింది. అతని వైఖరి గురించి పలువురు మహిళలు కూడా తన దృష్టికి తీసుకువచ్చారని చిన్నయి తెలిపింది. దీనికి సంబంధించిన కొన్ని స్క్రీన్‌షాట్లను సామాజిక మాధ్యమాల్లో కూడా షేర్ చేసింది. పని ప్రదేశాల్లో, పబ్‌లు, రెస్టారెంట్లలో ఈ సలార్ నటుడు మహిళల పట్ల అసభ్యంగా ప్రవర్తిస్తుంటాడని అందులో ఉంది.
జాన్ విజయ్ డీఎంకే పార్టీకి చెందిన వ్యక్తి అని, వైరముత్తు, ఇతను ఒకే రకమైన వ్యక్తులు అంటూ చిన్మయి ఆరోపించారు. ఇక చిన్మయి పెట్టిన పోస్ట్ మీద కొందరు అమ్మాయిలు కూడా స్పందించారు. జాన్ విజయ్ పబ్బులు, క్లబ్బులో దారుణంగా వ్యవహరిస్తాడని, సెలబ్రిటీ అనే పొగరు చూపిస్తుంటాడని, అందరితోనూ అమర్యాదగానే ప్రవర్తిస్తాడని తన ట్వీట్ లో ఆరోపించింది. ఒంటరిగా మహిళ కనపడితే ఇష్టమొచ్చినట్లుగా ప్రవర్తిస్తుంటాడని ఈ పోస్ట్‌లో వివరించింది.
జాన్ విజయ్ ప్రస్తుతం తెలుగు, తమిళ చిత్రాల్లో నటిస్తున్నాడు. విలన్ గా , కారెక్టర్ ఆర్టిస్ట్‌గా గుర్తింపు తెచ్చుకున్నాడు. ‘ఓరం పో’, ‘సర్పట్ట పరంపర, ‘సలార్: పార్ట్ 1- సీజ్‌ఫైర్‌’ తదితర సినిమాల్లో జాన్ విజయ్ మంచి పాత్రలు చేశారు. ప్రభాస్‌ నటించిన సలార్ మూవీలో రంగ పాత్ర చేసింది జాన్ విజయే. మెగాస్టార్ చిరంజీవి నటించిన వాల్తేరు వీరయ్యలో కూడా జాన్ విజయ్ ఓ కీలక పాత్ర పోషించాడు .