Raju Yadav – OTT : రాజు యాదవ్ ఓటీటీలో స్ట్రీమింగ్ ఎప్పటి నుంచి అంటే..

Raju Yadav – OTT

Raju Yadav – OTT :బుల్లి తెర రంగంలో కమెడియన్ గెటప్ శ్రీను.. అంటే తెలియని వారుండరు. జబర్దస్త్ లో గొప్పగా నటించి అనేక  అవకాశాలు అందుకుంటూ ముందుకు సాగిపోతున్నాడు. బుల్లితెర కమల్ హాసన్ గా కూడా ఆయనకు మంచి పేరు సంపాదించుకున్నాడు. జబర్దస్త్ లో మంచి పర్పామెన్స్ చేయడంతో గెటప్ శ్రీనుకు అనేక అవకాశాలు వస్తున్నాయి.

ప్రస్తుతం గెటప్ శ్రీను రాజు యాదవ్ అనే సినిమాలో నటిస్తున్నాడు. ఈ చిత్రంతో మొదటిసారి హిరోగా తెలుగు సినిమాకు పరిచయమవుతున్నాడు. గతంలో అనేక చిత్రాలకు అసిస్టెంట్ గా పనిచేసిన కృష్ణమాచారి  ఈ చిత్రాన్ని డైరెక్ట్ చేస్తున్నాడు. డిఫెరెంట్ కథాంశంతో తీసిన ఈ చిత్రం అందరి అంచనాలు పెంచేసి మే 17న రిలీజ్ అయింది.

ఎంటర్ టైన్ మెంట్ అండ్ కామెడీ ప్రధానాంశంగా తెరకెక్కిన ఈ చిత్రం.. మిక్సడ్ టాక్ అందుకుంది. అయినా మొదటి వీకెండ్ లో థియేటర్లకు జనాల్ని రప్పించింది. ఆ తర్వాత వారం నుంచి మెల్లిమెల్లిగా డౌన్ అవుతూ వచ్చింది. ఆ తర్వాత బ్రేక్ ఈవెన్ టార్గెట్ ను చేరుకోలేకపోయింది. దీంతో గెటప్ శ్రీను కు నిరాశే మిగిలింది.

రాజుయాదవ్ సినిమాకు మంచి టాక్ రావడంతో డిజిటల్ స్ట్రీమింగ్ కోసం వివిధ సంస్థలు పోటీ పడ్డాయి. అమెజాన్ ప్రైమ్ వీడియో ఈ సినిమాను కొన్నట్లు వార్తలు వినిపిస్తున్నాయి. దీని కోసం నిర్మాణ సంస్థకు అమెజాన్ భారీగానే డబ్బులు ముట్ట జెప్పినట్లు తెలుస్తోంది. అయితే ఈ మూవీ అమెజాన్ ప్రైంలో జూన్ 22 నుంచి అందుబాటులోకి వస్తుందని టాక్ వినిపిస్తోంది. రాజు యాదవ్ సినిమాపై గెటప్ శ్రీను పెట్టుకున్న అంచనాలు తలకిందులయ్యాయనే చెప్పొచ్చు. ఈ సినిమా కోసం గెటప్ శ్రీను తో పాటు డైరెక్టర్ కృష్ణమచారి ఎంతో కష్టపడ్డారు. అయినా సరైన ఫలితం రాకపోవడంతో నిరాశ చెందినట్లు సమాచారం. ఎన్నికలు ఉండటం, సమ్మర్ హాలిడేస్ కావడంతో సినిమాను ప్రజలు ఆదరించలేకపోయారనే వాదన వినిపిస్తోంది.