Balayya Viral Video
Balayya Viral Video : నందమూరి బాలకృష్ణ.. ఈ పేరు తెలియని తెలుగు సినిమా ప్రేక్షుడు రెండు తెలుగు రాష్రాల్లో లేడు. తండ్రి దివంగత నట వారసత్వాన్ని పుణికి పుచ్చుకొని తన కంటూ ప్రత్యేక ఫ్యాన్ ఫాలోయింగ్ ను సొంతం చేసుకున్నాడు. తండ్రిలాగే జానపదం, పౌరాణికం, భక్తి, కామెడీ, సాంఘికం ఇలా జానర్ ఏదైనా పాత్రలో పరకాయ ప్రవేశం చేయగలడు. తన జనరేషన్ లో అన్ని జోనర్లు చేసిన ఏకైక హీరో బాలకృష్ణ. పవర్ ఫుల్ డైలాగులకు పెట్టింది పేరు ఈ నందమూరి నటసింహం. నటనలో, క్రమశిక్షణలో, ఎదుటి వారికి సాయం చేయడంలో తండ్రికి తగ్గ తనయుడు అనిపించుకున్నాడు. తన సినిమాలు ప్లాఫ్ అయితే డబ్బులు వెనక్కి తిరిగి ఇచ్చిన సందర్భాలూ ఉన్నాయి.
సీమ ఫ్యా్క్షనిజానికి హీరోయిజం బాలయ్యతోనే
సమరసింహారెడ్డి సినిమాతో రాయల సీమ ఫ్యాక్షనిజానికి ఎలా ఉంటుందో తెరమీద తన మార్క్ హీరోయిజం ఎలా ఉంటుందో చూపించాడు. సీమ సినిమాలంటే బాలయ్యే తర్వాతే ఎవరైనా అని ట్రెండ్ సెట్ చేశాడు. మాస్ సినిమాలతో బాక్సాఫీస్ బోనాంజ అని నిరూపించుకున్నాడు. తెలుగు సినీతెరమీద సరికొత్త రికార్డులు సృష్టించాడు.
1980ల్లోనే బ్రేక్ డ్యాన్స్..
ఇక బాలకృష్ణ నటనలోనే కాదు డ్యాన్స్ లోనూ సరికొత్త ట్రెండ్ సృష్టించాడు. 1986 నుంచి తన సినిమాల్లో ప్రత్యేకంగా డ్యాన్స్ లు ఉండేలా చూసుకున్నాడు. తెలుగు తెరకు బ్రేక్ డ్యాన్స్ ను పరిచయం చేశాడు.
సెంటర్ ఏదైనా జై బాలయ్య
ఇక బాలకృష్ణ ఎంత గంభీరంగా ఉంటాడో.. తన సినిమాల్లో డైలాగ్స్ కూడా పవర్ ఫుల్ గా ఉంటాయి. సమరసింహారెడ్డి, నరసింహనాయుడు, సీమసింహం, లెజెండ్, సింహ, భగవంత్ కేసరి, అఖండ, గౌతమీపుత్ర శాతకర్ణి తదితర సినిమాల్లో బాలయ్య చెప్పిన డైలాగులకు తిరుగులేదు. సోషల్ మీడియాలో బాలయ్య డైలాగులు ట్రెండింగ్ లో ఉన్నాయి.
అభిమానం చాటుకున్న శ్రేయాస్ మీడియా
ఇక బాలయ్య మీద అభిమానంతో శ్రేయాస్ మీడియా ఆయన పుట్టిన రోజున స్పెషల్ ఏవీ(ఆడియో, వీడియో) చేయించింది. ఇందులో బాలయ్య గత చిత్రాల్లోని డైలాగులు, వీడియోతో ట్రైలర్ కట్ చేయించగా ట్విట్టర్ (ఎక్స్)లో పెట్టగా అదిరిపోయే రెస్పాన్స్ వస్తున్నది. అన్ని సినిమాల డైలాగులు ఒకే ట్రైలర్ లో ఉండడంతో బాలయ్య అభిమానుల సంతోషానికి హద్దే లేకుండా పోయింది. ఈ వీడియోను నెట్టింట షేర్ చేస్తూ సంబురపడిపోతున్నారు.
