Raviteja Eagle
Raviteja Eagle : ఎలాంటి బ్యాగ్రౌండ్ లేకుండా ఇండస్ట్రీలోకి వచ్చి.. తనకంటూ మంచి గుర్తింపు సంపాదించుకున్న నటుల్లో అగ్రస్థానంలో ఉన్న నటుడు మాస్ మహరాజ రవితేజ. ఇండస్ట్రీలోకి వచ్చిన మొదట్లో చిన్న చిన్న క్యారెక్టర్ ఆర్టిస్ట్ పాత్రలు పోషిస్తూ పాతుకుపోయాడు. తక్కువ సమయంలోనే మాస్ ఆడియన్స్ పల్స్ పట్టుకున్న రవితేజ కెరీర్ లో ఎదురు లేకుండా ఎదగడం మొదలు పెట్టాడు. ఇప్పుడు ‘ఈగల్’ సినిమాతో మన ముందుకు వస్తున్నాడు. మాస్ మహరాజ రవితేజ- యంగ్ డైరెక్టర్ కార్తీక్ ఘట్టమనేని కాంబోలో వస్తున్న ఈ సినిమా ఇటీవల రీలీజ్ నుంచి తప్పుకుంది. సంక్రాంతి బరిలో రిలీజ్ చేయాలని అనుకున్నా.. భారీ సినిమాలు ఉండడంతో ప్రొడ్యూసర్ కౌన్సిల్ రిక్వెస్ట్ మేరకు ఫిబ్రవరికి వాయిదా వేసుకున్నారు.
యంగ్ డైరెక్టర్ కార్తీక్ ఘట్టమనేని ఈ మూవీకి దర్శకత్వం వహిస్తున్నాడు. ఈయన గతంలో నిఖిల్ తో సూర్య వర్సెస్ సూర్య చేశాడు. ఆ సినిమా బాక్సాఫీస్ వద్ద బోల్తా కొట్టింది. ఈ నేపథ్యంలో ‘ఈగల్’ పై భారీ ఆశలు పెట్టుకున్నాడు. ఈ మూవీ సక్సెస్ అయితేనే అతనికి ఇంకో సినిమా ఉంటుంది.., లేదంటే మళ్లీ డీఓపీ గానే కంటిన్యూ కావాలి. అందుకే ఈ సినిమాను జాగ్రత్తగా తెరకెక్కించినట్టుగా తెలుస్తుంది.
ఈ మూవీలో అన్నీ ప్లస్ పాయింట్లే ఉన్నాయి. సూపర్ సక్సెస్ అవుతుందని ఆశా భావం వ్యక్తం చేస్తున్నాడు. కేవలం కార్తీక్ కే కాదు రవితేజకు కూడా ఈ మూవీ లైఫ్ అండ్ డెత్ క్వశ్చన్ లా మారనుంది. రవితేజ లాస్ట్ మూవీ స్టువర్ట్ పురం నాగేశ్వర్ రావుకు ఆశించినంత విజయం దక్కలేదు. ఒక్క సినిమాపై ఇద్దరి లైఫ్ లు ఆధారపడి ఉన్నాయనడంలో అతిశక్తియోక్తి లేదు.