Kalki – NTR : షాకింగ్ సర్ ప్రైజ్.. కల్కి 2898 ADలో కృష్ణుడిగా ఎన్టీఆర్

Kalki – NTR

Kalki – NTR : పాన్ ఇండియా స్టార్ ప్రభాస్ హీరోగా.. మహానటి ఫేమ్ నాగ్ అశ్విన్ దర్శకత్వంలో రూపొందిన చిత్రం ‘కల్కి 2898 AD’.  వైజయంతి మూవీస్ దాదాపు రూ.600కోట్ల భారీ బడ్జెట్ తో నిర్మించిన ఈ సినిమా మరికొన్ని గంటల్లో (జూన్ 27న) విడుదల కానుంది. ఈ చిత్రంలో దేశంలోని ప్రముఖ నటీనటులు భాగమైన సంగతి తెలిసిందే. వారిలో అమితాబ్ బచ్చన్, కమల్ హాసన్, దీపికా పదుకొనే, దిశా పటాని తదితరులు కీలక పాత్రల్లో నటించారు. అలాగే విజయ్ దేవరకొండ, దుల్కర్ సల్మాన్, మృణాల్ ఠాకూర్ వంటి వారు ప్రత్యేక పాత్రల్లో కనిపించి అలరించనున్నారు. అయితే ఇప్పుడు ఈ సినిమాలో శ్రీ కృష్ణుడు పాత్రకి సంబంధించి ఆసక్తికర వార్త వినిపిస్తుంది.  ‘కల్కి 2898 AD’ సినిమాలో అశ్వత్థామ సహా మహాభారతంలో ఉన్నటువంటి పలు పాత్రలు కనిపించనున్నాయి. అశ్వత్థామగా అమితాబ్ బచ్చన్ కనిపించనున్నారని ఇప్పటికే మేకర్స్ అధికారికంగా ప్రకటించారు. అలాగే అర్జునుడిగా విజయ్ దేవరకొండ కనిపించనున్నట్లు ప్రచారం జరుగుతుంది.   ఇక ఇప్పుడు కృష్ణుడి పాత్రకి సంబంధించి ఆసక్తికర ప్రచారం జరుగుతోంది.

‘కల్కి 2898 AD’ చిత్రంలో కృష్ణుడి పాత్రలో సీనియర్ ఎన్టీఆర్ కనిపించబోతున్నారట. తెలుగువారికి రాముడైనా, కృష్ణుడైనా ఠక్కున గుర్తుకొచ్చే పేరు సీనియర్ ఎన్టీఆర్. అందుకే ఇప్పటి హీరోలను ఆ పాత్రలో చూపించే కంటే.. టెక్నాలజీని ఉపయోగించుకుని కృష్ణుడి రూపంలో ఎన్టీఆర్ ను కాసేపు కనిపించేలా చేయడమే కరెక్ట్ అని మూవీ టీం భావించిందట. అలా టెక్నాలజీ పుణ్యమా అని ‘కల్కి 2898 AD’ చిత్రంలో కృష్ణుడి రూపంలో కాసేపు సీనియర్ ఎన్టీఆర్ కనిపించనున్నట్లు టాక్.  ఇక ఈ సినిమాలో జూ.ఎన్టీఆర్ కూడా భాగమైనట్లు ప్రచారం జరుగుతోంది. ఆయన సినిమాలో పరశురాముడి పాత్రలో కనువిందు చేయనున్నాడని వినిపిస్తుంది. ఈ వార్తలు నిజమైతే.. ఒకే సినిమాలో కృష్ణుడిగా సీనియర్ ఎన్టీఆర్, పరశురాముడిగా జూనియర్ ఎన్టీఆర్ కనిపిస్తే.. నందమూరి అభిమానులకు పండుగే.