Shekhar Kammula-Dhanush Movie
Shekhar Kammula-Dhanush Movie : శేఖర్ కమ్ముల సినిమా అంటేనే ఓ ఫీల్.. థియేటర్ నుంచి బయటకు వచ్చినా ఆయన సినిమాలోని పాత్రలు మనల్ని వదిలిపెట్టవు. సినిమాను హృద్యంగా తీయడంలో కమ్ముల దిట్ట. తన కెరీర్ ప్రారంభం నుంచి ‘క్లాస్’ శైలిలోనే సినిమాలు తీశారాయన. కొన్ని సార్లు స్టార్లతో సినిమాల కోసం ప్రయత్నించి చూసినా వర్క్ వుట్ కాలేదు. ఐతే ఎట్టకేలకు ఆయన స్టార్ హీరోతో సినిమా చేసేందుకు రెడీ అయ్యారు. ఇందులో ఒక్కరు కాదు ఇద్దరు స్టార్లు ఉన్నారు. ధనుష్, నాగార్జున ఇందులో నటిస్తున్నారు. అయితే నాగ్ ది స్పెషల్ రోల్ అని తెలుస్తోంది. ధనుషే హీరో.
తమిళ స్టార్ ధనుష్ అంటే పక్కా మాస్ మసాలా. మరి శేఖర్ కమ్ముల అతడితో ఏ జానర్ సినిమా చేస్తారని ఆసక్తి కనబరిచారు సినీ అభిమానులు. అయితే ఆయన విడుదల చేసిన ఫస్ట్ లుక్ చూస్తే..ఇది ధనుష్ మార్క్ సినిమా అని అర్థమైపోతోంది. ‘కుబేర’ అనే టైటిల్ పెట్టుకుని బికారి వేషంలో కనిపించాడు ధనుష్. తమిళంలో అణగారిన వర్గాలకు చెందిన..అన్యాయానికి గురైన..అనాకారీలా కనిపించే పాత్రలెన్నో ధనుష్ బోలెడు చేశాడు. అయితే అవి జనానికి మొహం మెత్తాయి అనే చెప్పాలి. దీంతో అతడు తెలుగులో చేసిన ‘సార్’ మాత్రం విభిన్నంగా ఉంది.
కుబేర ఫస్ట్ లుక్ చూస్తే శేఖర్ కమ్ముల తన మార్క్ వదిలి ధనుష్ మార్క్ పట్టాడా ఏంటి అనిపిస్తోంది. ఫస్ట్ లుక్ లో కమ్ముల ముద్రంటూ ఏమీ కనిపించలేదు. అతడు తన కంఫర్ట్ జోన్ నుంచి బయటకు వచ్చి ధనుష్ కు సూటయ్యే కథనే చేస్తున్నట్లు అనిపిస్తోంది. ఫస్ట్ లుక్ చూస్తే బిచ్చగాడు మూవీ పోలికలు కనిపిస్తున్నాయి. మరి మాస్ ధనుష్ కోసం క్లాస్ కమ్ముల స్టోరీని ఎలా డిజైన్ చేశాడో సినిమా రిలీజ్ అయ్యేదాక వెయిట్ చేయాల్సిందే.