Shekhar Basha
Bigg Boss Shekhar Basha : బిగ్ స్క్రీన్ రియాలిటీ షో తెలుగు బిగ్ బాస్ సీజన్ 8 ఊహించని ట్విస్టులు, మలుపులతో రికార్డ్ వ్యూస్ కొట్టేస్తోంది. ఇప్పటికే మూడు వారాలు గడిచిపోయాయి. రోజురోజుకు ప్రేక్షకులకు వినోదాన్ని అందించడంలో షో ఏమాత్రం తగ్గడం లేదు. అయితే ఈ సీజన్ మొదటి వారంలోనే బేబక్క ఎలిమినేట్ అయింది. రెండో వారం శేఖర్ బాషా హౌస్ నుంచి ఎలిమినేట్ అయ్యాడు. మూడో వారం అభయ్ నవీన్ ఎలిమినేట్ అయ్యాడు.
అయితే ఇందులో షాక్ ఫ్యాక్టర్ ఏంటంటే.. మొదటి వారంలో బేబక్క ఎలిమినేట్ అవుతుందని అనుకున్నారు ప్రేక్షకులు. కానీ రెండో వారం శేఖర్ బాషా ఎలిమినేట్ అవుతారని ఎవరూ అనుకోలేదు. శేఖర్ బాషా హౌస్ నుంచి ఎలిమినేట్ కావడానికి గ‌ల ముఖ్య కార‌ణం త‌న భార్య డెలివరీ కావడమేనని ప్రచారం జరుగుతోంది.. త‌న భార్య డెలివరీ కావ‌డం వ‌ల‌న హౌస్ నుంచి బయటకు రావాల‌ని శేఖర్ భావించిన‌ట్లు తెలుస్తోంది.
హౌసు నుంచి బయటకు వచ్చిన తర్వాత శేఖర్ భాష పలు టీవీ, యూట్యూబ్ చానళ్లకు ఇంటర్వ్యూలు ఇస్తూ బిజీ బిజీగా ఉన్నారు. తాజాగా జై స్వరాజ్య టీవికి ఇచ్చిన ఇంటర్వ్యూలో ఏ ఛానల్ కు చెప్పని కొన్ని కొత్త విషయాలను బయటపెట్టాడు. ఆయన ఇంటర్వ్యూలో ఒక్కో కంటెస్టెంట్ బాగోతం బయటపెట్టాడు.
