Sharwanand Movie : ఓటీటీలోకి శర్వానంద్ మూవీ.. డేట్ అదేనా..?

Sharwanand Movie : థియేటర్లలో విడుదలైన కొత్త సినిమాలు ఆతర్వాత కొద్ది కాలంలోనే ఓటీటీల్లో అలరిస్తున్నాయి.  ఇక పెద్ద పెద్ద హీరోల సినిమాలు కూడా త్వరగానే ఓటీటీల్లోకి వచ్చేస్తున్నాయి. తాజాగా యంగ్ టాలెంటెట్ హీరో శర్వానంద్ నటించిన మనమే చిత్రం ఓటీటీ రిలీజ్ పై అప్ డేట్ వచ్చేసింది.

యంగ్ స్టార్ శర్వానంద్ నటించిన మనమే మూవీ ఇటీవల విడుదలైంది. ఫీల్ గుడ్ మూవీలా అందరినీ ఆకట్టుకుంది. జూన్ 7న ఈ సినిమా థియేటర్లలో రిలీజ్ అయ్యింది. మంచి డీసెంట్ టాక్ సొంతం చేసుకుంది. హిట్ టాక్ వచ్చినా భారీ కలెక్షన్లు మాత్రం సాధించలేకపోయింది.

ఇక ఈ సినిమా ఓటీటీలో రిలీజ్ అవుతున్నదంటూ గతంలోనే ప్రచారం జరిగింది. అమెజాన్ ప్రైమ్ వీడియో ఈ సినిమా హక్కులను పొందినట్లు అధికారికంగా ప్రకటించింది. అయితే రెండు నెలలు దాటినా ఈ సినిమా మాత్రం ఓటీటీ ఫ్లాట్ ఫాంపై మాత్రం విడుదల కాలేదు. అయితే తాజాగా తెలిసిన సమాచారం ప్రకారం.. ఆగస్టు 16న ఈ సినిమా ఓటీటీలో స్ర్టీమింగ్ కాబోతున్నది. రెండు, మూడ రోజుల్లో దీనిపై ఒక ప్రకటన సదరు ఓటీటీ సంస్థ నుంచి వచ్చే అవకాశం ఉంది.

ఇక శర్వానంద్ ఫ్యాన్స్ కు పండుగే అన్నమాట. మనమే సినిమా ను పీపుల్స్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మించారు. ఇందులో కృతిశెట్టి కథనాయకిగా నటించింది. వెన్నెల శ్రీధర్, సీరత్ కపూర్, రాహుల్ రవీంద్రన్ ప్రధాన పతారలో నటించారు. ఇక ఈ సినిమాకు అబ్దుల్ వాహాబ్ సంగీతం అందించాడు. ఫ్యామిలీ చిత్రంగా టాక్ సంపాదించుకుంది. ఓటీటీలో కూడా అదే క్రేజ్ సంపాదించుకుంటుందనే టాక్ ప్రస్తుతం నడుస్తున్నది.