Shah Rukh Khan:సూప‌ర్ స్టార్ ర‌జ‌నీకాంత్ – విక్రమ్ ఫేం లోకేష్ కనగరాజ్ కాంబినేష‌న్ లో భారీ యాక్ష‌న్ ఎంట‌ర్ టైన‌ర్ చిత్రీక‌ర‌ణ‌కు సిద్ధ‌మ‌వుతున్న సంగ‌తి తెలిసిందే. ఈ ప్రాజెక్ట్‌కు తాత్కాలికంగా తలైవర్ 171 అని పేరు పెట్టారు. ఈ సినిమాని పాన్ ఇండియా కాన్వాస్ కి త‌గ్గ‌ట్టు అత్యంత భారీ తారాగ‌ణంతో తెర‌కెక్కించాల‌నేది లోకేష్ ప్లాన్. కానీ అతడికి తొలి ఝ‌ల‌క్ ప‌డింది. ఈ చిత్రంలో ఒక ప్రత్యేక పాత్ర కోసం లోకేష్ కనగరాజ్ బాలీవుడ్ బాద్‌షా షారూఖ్ ఖాన్‌ను సంప్రదించారు. కానీ ఖాన్ ఈ ఆఫర్‌ను తిరస్కరించార‌ని తెలిసింది.
షారూఖ్ ఖాన్‌కు సబ్జెక్ట్ నచ్చింది కానీ ఆ పాత్రకు నో చెప్పాడు. సుజోయ్ ఘోష్ దర్శకత్వం వహించనున్న తన కుమార్తె సుహానా ఖాన్ తొలి చిత్రం (రంగస్థలం అరంగేట్రం)లో అతడు ఇప్పటికే ప్రత్యేక పాత్రను పోషిస్తున్నాడు. ఇటీవల SRK టైగర్ 3 – బ్రహ్మాస్త్రలో అతిధి పాత్రలో కనిపించాడు. అందుకే ఇకపై మరిన్ని ప్రత్యేక పాత్రలు చేయకూడదని సూపర్‌స్టార్ నిర్ణయించుకున్నాడు అని క‌థ‌నాలొచ్చాయి.
అంతేకాదు విక్రమ్ ఫేం లోకేష్ కనగరాజ్ తో ప్రత్యేకంగా ఒక చిత్రం చేయడానికి SRK ఆసక్తిని వ్యక్తం చేసినట్లు తెలుస్తోంది. మరి ఇప్పుడు ఆ ప్రత్యేక పాత్రలో ఏ నటుడు నటిస్తారో చూడాలి. ఈ ప్రాజెక్ట్‌ను సన్ పిక్చర్స్ భారీ స్థాయిలో నిర్మించనుంది. అనిరుధ్ రవిచందర్ సంగీత దర్శకుడిగా ఎంపికయ్యారు.