96 Movie : కల్ట్ క్లాసిక్ 96కు సీక్వెల్ అనౌన్స్.. దర్శకుడు ప్రేమ్ కుమార్ మరో అద్భుత్వం సృష్టించబోతున్నాడా..?

96 Movie

96 Movie : అటు తమిళంలో భారీ విజయాన్ని దక్కించుకున్న కల్ట్ క్లాసిక్ మూవీ 96, తెలుగులో జాను పేరుతోరీమేక్ చేశారు. ఈ సినిమా ఆడియన్స్ లో బాగా క్రేజ్ సంపాదించుకుంది. దీనికి ఒక వర్గం ఫ్యాన్స్ ఇప్పటికీ ఉన్నారు. హీరో ఒంటరితనం హీరోయిన్ తో లవ్ వీటన్నింటితో సినిమాను అద్భుతంగా మలిచాడు దర్శకుడు. కల్ట్ క్లాసిక్ మూవీగా నిలిచిన 96 సినిమా ప్రేక్షకులకు బాగా నచ్చింది. తమిళంలో నటులు విజయ్ సేతుపతి, త్రిష నటించగా.. జానులో శర్వానంద్, సమంత చేశారు. తమ తమ పాత్రల పరిధిలో అద్భుతంగా నటించారు. తాజాగా దర్శకుడు ప్రేమ్ కుమార్ ఈ సినిమాకు సీక్వెల్ తీస్తున్నట్లు ప్రకటించారు.

ప్రేమ్ కుమార్ ‘96’కు సీక్వెల్ ను కన్ఫర్మ్ చేశారు. ఒరిజినల్ కు ప్రేక్షకుల స్పందన ప్రేరణ నుంచి సీక్వెల్ తీసుకురావాలనే ఆలోచన వచ్చిందని ఆయన చెప్పుకచ్చారు. సీక్వెల్ కోసం స్క్రిప్ట్ దాదాపు పూర్తయ్యిందని, విజయ్ సేతుపతి, త్రిషకు స్టోరీ వినిపించేందుకు ఎదురుచూస్తున్నట్లు ప్రేమ్ కుమార్ వెల్లడించారు. అది ఖరారైతే విజయ్, త్రిష డేట్లు కూడా తీసుకున్నాక ఈ ప్రాజెక్ట్ పట్టాలెక్కిస్తానని ప్రేమ్ కుమార్ చెప్పుకచ్చారు.

‘96’ సినిమాను అద్భుతంగా ప్రెజెంట్ చేయగా.. ఇప్పుడు 96 సీక్వెల్ ఒరిజినల్ తరహాలో తమను ఆకట్టుకుంటుందా అని 96 అభిమానులు ఆలోచిస్తున్నారు. తెలుగులో శర్వానంద్, సమంత జంటగా ప్రేమ్ కుమార్ ఈ రీమేక్ కు దర్శకత్వం వహించారు. కార్తీ కథానాయకుడిగా ప్రేమ్ కుమార్ తెరకెక్కించిన ‘మీయళగన్’ సెప్టెంబర్ 27న విడుదలవుతోంది. దీనికి సంబంధించిన ప్రమోషన్ లో ప్రమ్ కుమార్ 96 సీక్వెల్ గురించి చెప్పడం గమనార్హం.