Pawan Kalyan-Atlee-Trivikram
Pawan Kalyan-Atlee : పవర్ స్టార్ పవన్ కళ్యాణ్ ప్రస్తుతం చేస్తున్న మూడు సినిమాలపై అభిమానుల్లో మరియు ఆడియన్స్ లో అంచనాలు మామూలు రేంజ్ లేవు. ఓజీ, ఉస్తాద్ భగత్ సింగ్ మరియు హరి హర వీరమల్లు సినిమాలను ప్రస్తుతం రాజకీయాల్లో బిజీ గా ఉండడం వల్ల పక్కన పెట్టాడు. ఎన్నికలు పూర్తి అయిన వెంటనే ఈ ప్రాజెక్ట్స్ ని జెట్ స్పీడ్ లో పూర్తి చెయ్యబోతున్నాడు.
ఈ సినిమాల తర్వాత ఆయన ఫ్యాన్స్ కి ఫుజులు ఎగిరిపోయి రేంజ్ కాంబినేషన్ ని సెట్ చేసినట్టు సోషల్ మీడియా లో వార్తలు వినిపిస్తున్నాయి. రీసెంట్ గానే షారుఖ్ ఖాన్ తో జవాన్ మూవీ ని చేసి వెయ్యి కోట్ల రూపాయిలను కొల్లగొట్టిన అట్లీ, అతి త్వరలోనే పవన్ కళ్యాణ్ తో ఒక్క సినిమా చేయబోతున్నట్టు తెలుస్తుంది. త్రివిక్రమ్ శ్రీనివాస్ ఈ సినిమాకి నిర్మాతగా వ్యవహరించబోతున్నాడు అట. రీసెంట్ గానే ఈ ముగ్గురి మధ్య చర్చలు కూడా జరిగినట్టు తెలుస్తుంది.
రీసెంట్ గానే అట్లీ అల్లు అర్జున్ తో ఒక సినిమా చెయ్యబోతున్నాడు అనే న్యూస్ సోషల్ మీడియా లో వైరల్ అయ్యింది. ముంబై లో అల్లు అర్జున్ తో మీటింగ్ జరిపాడు కూడా. అలాగే జూనియర్ ఎన్టీఆర్ తో కూడా ఒక సినిమా చేయబోతున్నట్టు టాక్స్ నడిచాయి. ఈ రెండు సినిమాలు ఎప్పుడు మొదలవుతాయి అనేది తెలియదు కానీ, పవన్ కళ్యాణ్ తో సినిమా మాత్రం ఉస్తాద్ భగత్ చిత్రం తో పాటుగా రెగ్యులర్ షూటింగ్ సమాంతరంగా జరగబోతుంది అట. అందుకు తగ్గట్టుగా ప్రణాళికలు ఇప్పటి నుండే మొదలైనట్టు సమాచారం. ఈ సినిమాకి త్రివిక్రమ్ తో పాటుగా, సన్ పిక్చర్స్ కూడా నిర్మాతగా వ్యవహరించబోతున్నట్టు తెలుస్తుంది. కమర్షియల్ సినిమాలను తియ్యడం లో ప్రస్తుతం ఇండియా లో అట్లీ ని మించిన డైరెక్టర్ మరొకరు లేరు.
కమర్షియల్ అంశాలతో పాటు బలమైన సోషల్ మెసేజ్ కూడా తన సినిమాల ద్వారా ఇస్తుంటాడు. పవన్ కళ్యాణ్ కి పర్ఫెక్ట్ గా సరిపోయే జానర్ ఇది. సరిగ్గా తీస్తే ఇండియన్ బాక్స్ ఆఫీస్ వద్ద రికార్డులు మామూలు రేంజ్ లో ఉండవు. ఇక ఈ కాంబినేషన్ అనిరుద్ కూడా తోడైతే ఆకాశమే హద్దు అని చెప్పొచ్చు. ఈ చిత్రానికి సంబంధించిన పూర్తి వివరాలు అతి త్వరలోనే బయటకి రానున్నాయి.