Sundarakanda Heroine
Sundarakanda Heroine : ఇండస్ట్రీలో ఒక్క సినిమాతో స్టార్ డం దక్కడం చాలా కష్టంతో కూడుకుంటుంది. అంత అదృష్టం నూటికో.. కోటికో ఒక్కరికి ఉంటుంది. అందునా హీరోయిన్ అయితే మరింత కష్టం.. ఇక సైడ్ హీరోయిన్ గురించి ఆ ఊసే ఉండదు. కానీ ఒక మూవీలో సెకండ్ హీరోయిన్ గా చేసినా స్టార్ డం మాత్రం దక్కించుకుంది ఒక హీరోయిన్.. ఆమే అపర్ణ.. ఆ సినిమానే సుందరకాండ.
దర్శకేంద్రుడు కే రాఘవేందర్ రావు దర్శకత్వంలో 1992లో వచ్చిన సినిమా సుందరాకాండ. ఇందులో వెంకటేశ్ హీరో కాగా.. హీరోయిన్ మీన, ఇక, సెకండ్ హీరోయిన్ గా అపర్ణ నటించింది. ఇది బాక్సాఫీస్ హిట్ దక్కించుకుంది. ఈ మూవీకి కీరవాణి సంగీతం అందించారు. అన్ని పాటలు హిట్ గా నిలిచాయి.
మీనా వెంకటేష్ కాంబోలో వచ్చిన సీన్స్ హైలైట్ గా నిలిచాయి. ఇక అపర్ణ గురించి చెప్తే.. వెంకటేష్ టీచర్ అయితే.. స్టూడెంట్ గా అపర్ణ నటించింది. అల్లరి అమ్మాయిగా సందడి చేసింది. మొదట అపర్ణ పాత్ర కోసం సీనియర్ హీరోయిన్ ను తీసుకుందాం అనుకున్నారట. కానీ కథ ప్రకారంగా కొత్త హీరోయిన్ అయితే బాగుంటుందని అపర్ణను తీసుకున్నారట. కేవీవీ సత్యనారాయణ ఇంటికి రాఘవేంద్రరావు వెళ్లిన సమయంలో అక్కడకి ఒక అమ్మాయి నచ్చిందట. మాట సందర్భంలో ఆ అమ్మాయి నవ్విందట. దీంతో రాఘవేందర్ రావు సుందరాకాండలో స్టూడెంట్ పాత్రకు బాగా సూట్ అవుతుందని అనుకున్నారు.
కానీ, ఆ అమ్మాయిని మాత్రం అడగలేకపోయారట. ఆ తర్వాత 10 రోజులకు ఆ అమ్మాయి ఆడిషన్స్‌లో ప్రత్యక్షమైందట. దీంతో వెంటనే ఎంపిక చేశారట. సుందరకాండలో అద్భుతంగా నటించింది. ఈ సినిమా తర్వాత మంచి అవకాశాలే వచ్చాయి కానీ తల్లిదండ్రులు వద్దన్నారట. దీంతో ఒకటి, రెండు సినిమాలతోనే గుడ్ బై చెప్పేసింది. ఇప్పుడు అపర్ణ విదేశాల్లో ఉంది. ఇప్పుడు ఆమె ఎలా ఉందో తెలుసుకునేందుకు నెటిజన్స్ ఆసక్తి చూపిస్తున్నారు.