Jagan Gulakarai Incident : జగన్ గులకరాయి ఇన్సిడెంట్ పై సెటైర్లే సెటైర్లు

Jagan Gulakarai Incident

Jagan Gulakarai Incident Satires : సీఎం జగన్ పై రాయి దాడి ప్రస్తుతం ట్రోలర్స్ కు మంచి ఆయుధమైంది. గత ఎన్నికల్లో ‘కోడి కత్తి’ ఇన్సిడెంట్ ను వాడుకున్నట్టుగా ఈ ఎన్నికల్లో గులకరాయి ఇన్సిడెంట్ ను వాడుకుందామనుకున్న జగన్ అండ్ కో ను చూసి ప్రతిపక్షాల నేతలు సెటైర్లు వేస్తుంటే..ప్రజలు తెగనవ్వుకుంటున్నారు. ఈనెల 13న సీఎం జగన్ చేపట్టిన ‘మేమంతా సిద్ధం’ యాత్రలో భాగంగా విజయవాడలో ప్రవేశించిన రోజే ఆయనపై రాయితో దాడి చేశారు. బస్సు పై నుంచి సీఎం జగన్ ప్రజలకు అభివాదం చేస్తున్న సమయంలో రాయితో దాడి చేయగా ఎడమ కనుబొమ్మపై గాయమైంది. ఇక అప్పటి నుంచి ఈ ఘటన సెటైర్లు, ట్రోలింగ్ లకు ముడి సరుకుగా మారింది.

జగన్ కు వస్తున్న ఆదరణ తట్టుకోలేక కడుపు మంటతోనే ఈ దాడి చేశారని వైసీపీ శ్రేణులు ఆరోపిస్తున్నాయి. ఎన్నికల సమయంలో వైసీపీ వారే ఇలా దాడులు చేయించుకుని సింపతీ క్రియేట్ చేసుకుంటున్నారని ప్రతిపక్ష నేతలు పెదవి విమర్శిస్తున్నారు. మొన్ననే సీపీఐ నారాయణ కూడా గులకరాయి ఘటనపై వ్యంగ్యాస్త్రాలు విసిరారు. బాంబులు వేసుకునే సంస్కృతి నుంచి గులకరాయికి వచ్చారని సెటైర్లు పేల్చారు. ఇదిలా ఉంటే సీఎం జగన్ పై రాయి వేసిన నిందితుడి సతీశ్ పోలీసులు అరెస్ట్ చేశారు. ఈ కేసులో అతడే ప్రథమ ముద్దాయిగా పోలీసులు నిర్ధారించారు.

కాగా, ఈ ఘటనపై ట్రోల్స్, సెటైర్స్ పేలిపోతున్నాయి. తాజాగా ఓ వీడియో సోషల్ మీడియాలో హల్ చల్ చేస్తోంది. ఒక్కడు సినిమాలో మహేశ్ బాబు, కోట శ్రీనివాసరావు హత్యకు సంబంధించి డీల్ మాట్లాడుకునే సీన్ ను గులకరాయి దాడి ఇన్సిడెంట్ కు సింక్ చేశారు. ఈ ట్రోల్ తెగ నవ్విస్తోంది. దీన్ని టీడీపీ, జనసేన శ్రేణులు తెగ షేర్ చేస్తున్నాయి.  మీరు కూడా ఆ ట్రోల్ వీడియోను చూసి కడుపుబ్బా నవ్వుకోండి మరి..