White House : వైట్ హౌస్ లో ‘సారే జహాసే అచ్చా..’ ‘పానీపూరీ’

White House

White House : ఆసియా అమెరికన్లు, స్థానిక హవాయియన్, పసిఫిక్ ఐలాండర్ (AA and NHPI) లపై అధ్యక్షుడి సలహా ఏర్పాటై 25 సంవత్సరాలు పూర్తి చేసుకుంది. ఈ సందర్భంగా అగ్ర రాజ్యానికి AA and NHPI కమ్యూనిటీలు చేస్తున్న సహకారానికి గుర్తుగా వైట్ హౌస్ లో ఓ కార్యక్రమం ఏర్పాటు చేశారు. ఈ కార్యక్రమంలో భారత్ కు చెందిన ‘సారే జహాసే అచ్ఛా’ గీతాన్ని ఆలపించడంతో పాటు వచ్చిన అతిథులకు భారత్ స్ట్రీట్ ఫుడ్ పానీపూరీ అందించడం విశేషం.

భారత సంతతికి చెందిన పలువురు ప్రముఖులు ఈ కార్యక్రమానికి హాజరయ్యారు. ఈ వేడుకల్లో పాల్గొన్న యూఎస్ జనరల్ సర్జన్ డాక్టర్ వివేక్ మూర్తి ఉత్సాహంగా డ్రమ్స్ వాయించడంతో అక్కడున్నవారంతా ఆనందంలో మునిగిపోయారు. మానసిక రోగాలను నయం చేయడంలో సంగీతం ముఖ్యపాత్ర పోషిస్తుందని ఆయన పేర్కొన్నారు.