2024 Sankranti High Tension : సంక్రాంతి 2024.. హీరోలకు టెన్షన్ షురూ..  

Sankranti High Tension For Heroes

2024 Sankranti High Tension  : ఈసారి సంక్రాంతి సీజన్ మరింత రసవత్తరంగా సాగబోతోంది.. 2023 లో పెద్దగా సంక్రాంతి జోష్ కనిపించలేదు.. కానీ వచ్చే ఏడాది 2024 సంక్రాంతి సీజన్ లో మాత్రం ఏకంగా అరడజను సినిమాలకు పైగానే రిలీజ్ కు రెడీ అవుతున్నాయి.. కానీ రిలీజ్ డేట్స్ అయితే ప్రకటించారు కానీ చివరి వరకు ఏ సినిమా వస్తుందో.. ఏ సినిమా వాయిదా పడుతుందో చెప్పడం కష్టమే..

ఇప్పటి వరకు సంక్రాంతి రేసులో చాలానే సినిమాలు ఉన్నట్టు మేకర్స్ అఫిషియల్ గానే ప్రకటించారు.. మరి 2024 సంక్రాంతి బరిలో ఖచ్చితంగా వచ్చే సినిమా ఏది అంటే ”గుంటూరు కారం” అనే చెప్పాలి.. మహేష్ హీరోగా త్రివిక్రమ్ దర్శకత్వంలో తెరకెక్కుతున్న ఈ సినిమా ఆల్మోస్ట్ వారు చెప్పిన డేట్ కే రాబోతుంది.

ఈ సినిమాతో పాటు విక్టరీ వెంకటేష్ నటిస్తున్న ‘సైంధవ్’ కూడా పక్కాగా రిలీజ్ అయ్యే అవకాశం కనిపిస్తుంది.. ఇక సంక్రాంతి బరిలో ఉన్న  మరొక సినిమా ఏది అంటే దిల్ రాజు నిర్మిస్తున్న ‘ఫ్యామిలీ స్టార్’ అనే చెప్పాలి. ఎప్పుడు సంక్రాంతి బరిలో ఉండే దిల్ రాజు ఈసారి కూడా తన సినిమాను ఉంచాలని ఫిక్స్ అయ్యాడు.

అది కష్టమైన పనైనా రిలీజ్ సంక్రాంతికే అని ప్రకటించాడు. విజయ్ దేవరకొండ, పరశురామ్ కాంబోలో తెరకెక్కుతున్న ఈ సినిమా షూట్ డిలే అవ్వడం వల్ల వాయిదా పడే అవకాశాలు కనిపిస్తున్నాయి.. దీంతో ఇది సంక్రాంతి రేసు నుండి అవుట్ అయినట్టే..

మరో సినిమా హనుమాన్.. ఈ సినిమాకు పెద్దగా సమస్యలు లేవు కానీ సంక్రాంతి బరిలో మిగిలిన సినిమాల పోటీని మాత్రం తట్టుకుంటుందా లేదా అనేది సమస్యగా కనిపిస్తుంది. దీంతో ఇది వెనుక ముందు అవుతుంది..

వీటితో పాటు రవితేజ ఈగల్ కూడా లిస్టులో ఉంది.. ఇది అయితే పక్కాగా రిలీజ్ అయ్యే అవకాశం కనిపిస్తుంది. వీటన్నిటితో పాటు నాగార్జున ‘నా సామిరంగా’ సినిమా కూడా సంక్రాంతికే ఫిక్స్ అయ్యింది.. ఈ సినిమా షూట్ డిసెంబర్ కే పూర్తి అవుతుంది.. కానీ ఇన్ని సినిమాల మధ్య నాగ్ పోటీగా వస్తే తట్టుకుంటాడా లేదా అనేది చూడాలి..