Sandeep Reddy Vanga and RGV
Sandeep Reddy Vanga : అబుదాబిలో జరిగిన ఐఫా అవార్డుల్లో స్టార్ డైరెక్టర్ సందీప్ రెడ్డి వంగాకు ఎడిటింగ్ విభాగంలో అవార్డు లభించింది. అయితే ఈ సందర్భంగా సందీప్ రెడ్డి వంగ మాట్లాడుతూ.. ఈ అవార్డు రావడానికి కారణం రామ్ గోపాల్ వర్మ అని షాక్ ఇచ్చాడు.అసలు రాంగోపాల్ వర్మ సందీప్ రెడ్డి వంగాకు ఏం సాయం చేశాడని తెగ ఆలోచిస్తున్నారు. కాగా యానిమల్ చిత్రానికి బెస్ట్ ఫిల్మ్ బెస్ట్ ఎడిటింగ్, బెస్ట్ మ్యూజిక్ అవార్డులు కూడా వరించాయి. ఇదే సినిమాకు సంబంధించి అనిల్ కపూర్ కూడా చాలా రోజుల తర్వాత అవార్డు అందుకున్నారు.
ఈ చిత్రానికి దర్శకత్వం వహించిన సందీప్ రెడ్డి వంగ ఎడిటింగ్ కూడా చేయడం విశేషం. సందీప్ రెడ్డి వంగకు డైరెక్టర్గా కాకుండా ఎడిటింగ్ విభాగంలో అవార్డు రావడం ఇక్కడ ఆశ్చర్యం కలిగిస్తుంది. అయితే అవార్డుల ప్రదానం చేసిన సమయంలో సందీప్ రెడ్డి వంగా మాట్లాడుతూ నేను ఆర్జీవి నుంచి ఎడిటింగ్ ఎలా చేయాలో నేర్చుకున్నాను అని అన్నారు. దీనికి బదులుగా ట్విట్టర్లో రామ్ గోపాల్ వర్మ స్పందిస్తూ నేను ఫిల్మ్ మేకింగ్ ఎలా చేయాలో మీ నుండి నేర్చుకుంటున్నాను అని కామెంట్ చేశారు.
దీంతో వీరిద్దరి మాటలు సోషల్ మీడియాలో తెగ వైరల్ గా మారాయి. ఒకరిపై ఒకరు పొగుడుకోవడం ఒకరి గురించి ఒకరు చర్చించుకోవడం చూసి ఫ్యాన్స్ ఖుషి అయిపోతున్నారు. ముఖ్యంగా ఆర్జీవి ఫ్యాన్స్ తెగ సంబరపడిపోతున్నారు.
కబాలీవుడ్ హీరోయిన్ రాణి ముఖర్జీ ఐఫా అవార్డుల్లో ఉత్తమ హీరోయిన్గా ఎంపికగా జవాన్ చిత్రానికి బెస్ట్ హీరోగా షారుఖాన్ ఎంపిక అయ్యారు. కాగా ఉత్తమ విలన్ గా యానిమల్ చిత్రానికి సంబంధించి బాబి డియోల్ అవార్డు అందుకోగా ఉత్తమ సహాయ నటుడిగా అనిల్ కపూర్ అవార్డు అందుకున్నారు. ఒక్క చిత్రంతోనే ఇన్ని అవార్డులు కొల్లగొట్టిన సందీప్ రెడ్డి వంగాను తెలుగు ప్రేక్షకులతో పాటు బాలీవుడ్ ప్రేక్షకులు సైతం ప్రశంసలు కురిపిస్తున్నారు.