Sandeep Reddy Heroes
Sandeep Reddy : యానిమల్ సినిమా విడుదలకు ముందే సందీప్ రెడ్డి వంగా రెబల్ స్టార్ ప్రభాస్ తో స్పిరిట్ సినిమాను ప్రకటించాడు. వరుస సినిమాలతో బిజీగా ఉన్న ప్రభాస్ త్వరలో స్పిరిట్ సినిమా షూటింగ్ స్టార్ట్ చేయబోతున్నాడు. ఇప్పటికే ఈ సినిమాలో సౌత్ కొరియన్ స్టార్ యాక్షన్ హీరోను స్పిరిట్ లో విలన్ గా చేయబోతున్నాడని కొద్ది రోజుల క్రితం న్యూస్ బయటకు వచ్చింది. దీంతో ఈ సారి సందీప్ రెడ్డి వంగా ఏకంగా హాలీవుడ్ నే టార్గెట్ చేశాడని ఫిలిం ఇండస్ట్రీలో చర్చ జరిగింది. అయితే ఈ సినిమాలో ఎవరెవరు నటిస్తున్నారనే దానిపై మేకర్స్ గానీ, డైరెక్టర్ సందీప్ రెడ్డి వంగా కానీ స్పందించడం లేదు. హీరో మాత్రం ప్రభాస్… అంతే. ఇంతకు మించి మరో అప్ డేట్ మాత్రం రావడం లేదు.
అయితే స్పిరిట్ సినిమా గురించి లేటెస్ట్ గా ఫిలిం ఇండస్ర్టీలో మరో న్యూస్ చక్కర్లు కొడుతున్నది. అటు టాలీవుడ్ లో.. ఇటు బాలీవుడ్ లో తనకు హిట్స్ ఇచ్చిన ఇద్దరు హీరోలను స్పిరిట్ సినిమాలో తీసుకోబోతున్నాడని టాక్ బయటకు వచ్చింది. అయితే వారెవరో కాదు.. టాలీవుడ్ రౌడీ స్టార్ విజయ్ దేవరకొండ, యానిమల్ హీరో, బాలీవుడ్ స్టార్ హీరో రణబీర్ కపూర్. వీరిద్దరితో సందీప్ రెడ్డి చేసిన సినిమాలు అటు టాలీవుడ్ లో, ఇటు బాలీవుడ్ లో సెన్సేషన్ క్రియేట్ చేశాయి. ఈ ఇద్దరు స్టార్ హీరోలను స్పిరిట్ లో తీసుకుంటున్నాడని టాక్ నడుస్తుంది.
విజయ్ దేవరకొండ ఇప్పటికే కల్కి సినిమాలో అర్జునుడిగా స్క్రీన్ షేర్ చేసుకున్న విషయం తెలిసిందే. ఇక తనకున్న సూపర్ హిట్టిచ్చిన సందీప్ రెడ్డి వంగా అడిగితే ఏ మాత్రం సందేహించకుండా ఏ రోల్ అయినా చేయడానికి విజయ్ సిద్దంగా ఉన్నట్లు తెలుస్తున్నది. విజయ్, సందీప్ రెడ్డి ల మధ్య బాండింగ్ కూడా అలాగే ఉంది. ఇప్పటి దాకా చాక్లెట్ బాయ్ లా కనిపించిన రణబీర్ కపూర్ ను మాసీ గెటప్, రఫ్ క్యారెక్టర్ తో కొత్తగా చూపించాడు సందీప్. తనకో మాసీ హిట్టిచ్చిన సందీప్ అడిగితే రణబీర్ కూడా ఏ మాత్రం ఆలోచించకుండా షూట్ కు సిద్ధంగా ఉన్నట్లు తెలుస్తుంది. సినిమా స్టార్ట్ కాకముందే ఎన్నో సంచలనాలను సృష్టిస్తున్న సందీప్ రెడ్డి వంగా.. మూవీ బయటికి వస్తే ఇంకెన్ని సంచలనాలు సృష్టిస్తాడో వేచి చూడాల్సిందే.