Majaka : మాజాకా తో రానున్న సందీప్ కిషన్.. చాలా ఏళ్ల తర్వాత ఎంట్రీ ఇవ్వనున్న ఒకప్పటి స్టార్ హీరోయిన్

Majaka Movie : యువ హీరో సందీప్ కిషన్ నుంచి మరో మూవీ రాబోతుంది. సందీప్ కిషన్ హీరోగా.. త్రినాథరావు డైరెక్షన్ లో ఓ మూవీని తెరకెక్కిస్తున్నారు. కాగా ఈ చిత్రానికి రాజేశ్ దండా నిర్మాతగా వ్యవహరిస్తున్నారు. ఈ మూవీకి మాజాకా అని పేరు పెట్టారు. ముందుగా ఈ టైటిల్ ను రిలీవ్ చేశారు. పోస్టర్ కూడా రిలీజ్ చేయడంతో అందరినీ ఆకట్టుకుంటోంది. పెళ్లి కొడుకు గెటప్ లో సందీప్ కిషన్ అదిరిపోతున్నాడు. సందీప్ కిషన్ పెళ్లి చేసుకుంటున్నట్లు పోస్టర్ లో హడావిడి కనిపిస్తోంది.

ఈ చిత్రానికి మాజాకా అని టైటిల్ పెట్టడానికి ఓ కారణం ఉందని తెలుస్తోంది. మాజాకా అంటే కామెడీ చిత్రంగా ఉందని అర్థమవుతుంది. సందీప్ కిషన్ కామెడీ ఓరియెంటెడ్ మూవీలు చేయడం ఇదే మొదటి సారి కాదు. సినిమాలో సందీప్ కిషన్ తన కంటూ ప్రత్యేక మైన స్టైల్ తో కామెడీ పండిస్తాడు. ఈ మూవీలో సందీప్ కిషన్ తో పాటు రావు రమేశ్ నటిస్తున్నట్లు తెలుస్తోంది. రావు రమేశ్ ప్రధాన పాత్ర పోషిస్తుండగా.. మన్మథుడు హీరోయిన్ అన్షు కూడా మరో కీలక పాత్రలో కనిపించనున్నట్లు సమాచారం.

నక్కిన త్రినాథరావు ధమాకా చిత్రానికి దర్శకత్వం వహించగా.. ఆ సినిమా వంద కోట్ల క్లబ్ లో చేరింది. ఈ సినిమాలన్నీ డిఫరెంట్ కథాంశంతో ఉంటాయి. కాగా మాజాకా సినిమా ఫ్రీ రిలీజ్ ఈవెంట్ , ఓటీటీ, శాటిలైట్ హక్కుల ద్వారా రూ. 23 కోట్లు రాబట్టుకున్నట్లు తెలుస్తోంది.

సినిమా రిలీజ్ కాకముందే ఇన్ని డబ్బులు కొట్టేశారంటే విడుదలైతే ఇంకా ఎన్ని డబ్బులు కలెక్ట్ చేస్తుందోనని అంతా అనుకుంటున్నారు. సందీప్ కిషన్ ఈ మూవీపై చాలా అంచనాలు పెట్టుకున్నాడు. ఈ మధ్య ధనుష్ తో చేసిన సినిమా హిట్ కాగా ఇప్పుడు సొంతంగా వస్తున్న ఈ మూవీపై కూడా సందీప్ కిషన్ భారీగానే ఆశలు పెంచుకున్నాడు.