Sand Mafia : సూళ్లూరుపేటలో వీఆర్వోపై ఇసుక మాఫియా దౌర్జన్యం

Sand Mafia

Sand mafia : తిరుపతి జిల్లా సూళ్లూరుపేటలో మహిళా వీఆర్వోపై ఇసుక మాఫియా దౌర్జన్యం చేసింది. సూళ్లూరుపేట మండలం దగ్గర కాళంగి నది నుంచి ఇసుక రవాణా యథేచ్ఛగా జరుగుతుంది. బుధవారం ఇలుపూరు నుంచి ఇసుక తెస్తున్న ట్రాక్టర్ ను వీఆర్వో శ్రీదేవి, వీఆర్ఏ సుబ్రహ్మణ్యం పట్టుకున్నారు. ఆ తర్వాత పోలీస్ స్టేషన్ కు తీసుకు వెళ్లేందుకు ట్రాక్టర్ లో వీఆర్ఏను ఎక్కించి పంపారు. వెనుకనే ద్విచక్ర వాహనంపై వీఆర్వో వెళ్తుండగా మార్గమధ్యలో మన్నారుపోలూరు వద్ద ట్రాక్టర్ కు చెందని మణికంఠ అడ్డుకున్నారు. ట్రాక్టర్ ను పోలీస్ స్టేషన్ కు తీసుకు వెళ్లకుండా దారిమళ్లించారు.

దీంతో వీఆర్వో ప్రశ్నిస్తూ సెల్ ఫోన్ లో వీడియో తీస్తుండగా మణికంఠ ఆమెపై తిరగబడ్డారు. ఆమె చేతిలో నుంచి సెల్ ఫోన్ ను లాక్కొని కిందపడేశారు. ట్రాక్టర్ లో ఉన్న వీఆర్ఏను కిందకు తోసేసి, వాహనంతో పాటు వెళ్లిపోయారు. వీఆర్వో అక్కడి నుంచే ఆర్డీవో కిరణ్మయి, తహసీల్దార్ నరసింహారావుకు జరిగిన విషయాన్ని తెలిపారు. వారి సూచన మేరకు పోలీస్ స్టేషన్ లో ఫిర్యాదు చేశారు.