Salaar Vinaraa:ప్ర‌భాస్ `స‌లార్‌` `విన‌రా..` సాంగ్ లాంచ్‌కి టైమ్ ఫిక్స్!

Salaar Vinaraa:గ్లోబ‌ల్ స్టార్ హీరో ప్ర‌భాస్ క‌థానాయ‌కుడిగా న‌టించిన భారీ యాక్ష‌న్ ఎంట‌ర్ టైన‌ర్ `స‌లార్‌`. రెండు భాగాలుగా రూపొందుతున్న ఈ సినిమా ఫ‌స్ట్ పార్ట్‌ని `స‌లార్: పార్ట్ 1 సీజ్‌ఫైర్‌`గా విడుద‌ల చేశారు. `కేజీఎఫ్‌` సిరీస్ చిత్రాల‌తో ద‌ర్శ‌కుడిగా పాపులారిటీని సొంతం చేసుకున్న ప్ర‌శాంత్ నీల్ ఈ చిత్రాన్ని తెర‌కెక్కించారు. ప్ర‌పంచ వ్యాప్తంగా భారీ అంచ‌నాల‌తో డిసెంబ‌ర్ 22న ప్రేక్ష‌కుల ముందుకొచ్చింది. తొలి రోజు ప్రారంభ వ‌సూళ్ల‌తో రికార్డులు సృష్టించి వ‌సూళ్ల సునామీ సృష్టిస్తోంది.

మూడు రోజుల‌కు గానూ ప్ర‌పంచ వ్యాప్తంగా రూ.402 కోట్లు రాబ‌ట్టి ప్ర‌భాస్ స‌త్తా ఏంటో మ‌రోసారి చూపించి ట్రేడ్ వ‌ర్గాల‌ని విస్మ‌యానికి గురి చేసింది. బాక్సాఫీస్ వ‌ద్ద వ‌ర‌ల్డ్ వైడ్‌గా వీర‌విహారం చేస్తున్న నేప‌థ్యంలో `స‌లార్‌` నుంచి మ‌రో స‌ర్ ప్రైజ్ రాబోతోంది. ఈ సినిమాలోని `విన‌రా..` అంటూ సాగే పాట‌ని మంగ‌ళ‌వారం ఉద‌యం 10 గంట‌ల‌కు రిలీజ్ చేయ‌బోతున్నారు. తెలుగుతో పాటు క‌న్న‌డ‌, త‌మిళ‌, మ‌ల‌యాళ‌, హిందీ భాష‌ల్లోనూ ఈ పాట విడుద‌ల కాబోతోంది.

ప్రాజెక్ట్ ప్ర‌క‌టించిన ద‌గ్గ‌రి నుంచి అంచ‌నాలు తారా స్థాయికి చేరిన ఈ సినిమా రిలీజ్ రోజే ఆ అంచ‌నాల్ని అందుకుని బాక్సాఫీస్ వ‌ద్ద కాసులు వ‌ర్షం కురిపించ‌డం మొద‌లు పెట్టింది. శృతిహాస‌న్ హీరోయిన్‌గా న‌టించిన ఈ మూవీలోని కీల‌క పాత్ర‌ల్లో పృథ్వీరాజ్ సుకుమార‌న్‌, జ‌గ‌ప‌తిబాబు, బాబీ సింహా, `కేజీఎఫ్‌` గ‌రుడ రామ‌చంద్ర‌రాజు, బాబీ సింహా, ఈశ్వ‌రీ రావు, జాన్ విజ‌య్‌, శ్రియారెడ్డి, పృథ్వీరాజ్‌, బ్ర‌హ్మాజీ త‌దిత‌రులు న‌టించారు. ఈ మూవీ డిజిట‌ల్ స్ట్రీమింగ్ హ‌క్కుల్ని ప్ర‌ముఖ ఓటీటీ ప్లాట్ ఫామ్ నెట్ ఫ్లిక్స్ సొంతం చేసుకుంది.