Salaar box office:150 కోట్లు.. స‌లార్ రెండు రోజుల ఇండియా నెట్

Salaar box office:భారీ యాక్ష‌న్ ఎంట్ టైన‌ర్ స‌లార్ బాక్సాఫీస్ వ‌ద్ద ప్రభంజ‌నం సృష్టిస్తోంది. ఈ సినిమా దేశ విదేశాల్లో అద్భుత వ‌సూళ్ల‌తో దూసుకుపోతోంది. సలార్ బాక్స్ ఆఫీస్ కలెక్షన్ డే 2 భారతదేశంలో రూ.50 కోట్లకు పైగా వసూలు చేసింది. తాజా క‌థ‌నాల ప్ర‌కారం.. ఈ చిత్రం డే వ‌న్ లో రూ.90.7 కోట్లు (తెలుగు: రూ 66.75 కోట్లు; మలయాళం: రూ.3.55 కోట్లు; తమిళం: రూ.3.75 కోట్లు; కన్నడ: రూ.90 లక్షలు; హిందీ: రూ.15.75 కోట్లు వ‌సూలు చేసింది. ప్రస్తుతానికి సలార్ అన్ని భాషలకు కలిపి భారతదేశంలో రెండవ రోజు దాదాపు రూ.57.61 కోట్ల నికర వ‌సూళ్ల‌ను ఆర్జించింది.

ఇప్పటి వరకు ఈ సినిమా రూ.148.31 కోట్ల నెట్ వసూలు చేసింది. సలార్ చిత్రంలో ప్రభాస్ క‌థానాయ‌కుడిగా న‌టించ‌గా, పృథ్వీరాజ్ సుకుమారన్ , శృతి హాసన్, టిన్ను ఆనంద్, జగపతి బాబు కీల‌క పాత్ర‌ల్లో నటించారు. ఈ చిత్రంలో ప్రభస్ సలార్ అనే టైటిల్ క్యారెక్టర్‌లో నటించాడు. హోంబలే ఫిలింస్ పతాకంపై విజయ్ కిరగందూర్ ఈ చిత్రాన్ని అత్యంత భారీ బ‌డ్జెట్ తో నిర్మించారు.

యాక్షన్‌ థ్రిల్లర్‌గా తెరకెక్కిన ప్రభాస్‌, ప్రశాంత్‌ నీల్‌ల స‌లార్ చిత్రాన్ని మెగాస్టార్ చిరంజీవి అభినందించారు. X ఖాతాలో చిరంజీవి ఇలా రాసారు. `నా ప్రియమైన దేవా #రెబ‌ల్ స్టార్ ప్ర‌భాస్ `స‌లార్ సీజ్ ఫైర్ బాక్సాఫీస్‌ని షేక్ చేస్తోంది. ఈ అద్భుతమైన విజయాన్ని సాధించిన‌ దర్శకుడు ప్ర‌శాంత్‌నీల్‌కు వందనాలు. మీరు ప్రపంచాన్ని నిర్మించడంలో గొప్ప‌గా రాణిస్తున్నారు. సూపర్బ్ వరదరాజ మన్నార్ -పృథ్వీ రాజ్ .. ఆద్య -శ్రుతిహాసన్ ఇత‌ర టీమ్ కు అభినంద‌న‌లు. నిర్మాతలకు నా ప్రేమ. ఇది అద్భుతమైన విజయం!“ అని ప్ర‌శంసించారు.

క్రిస్మ‌స్ సెల‌వుల్లో సినిమా ప్రేమికులు చూడటానికి రెండు గొప్ప చిత్రాలు థియేట‌ర్ల‌లో ఉన్నాయ‌ని, ఈ రెండు చిత్రాలు కూడా బ్లాక్‌బస్టర్‌లుగా మారితే అది ఎంతో అద్భుతంగా ఉంటుందని ఇంత‌కుముందు పృథ్వీరాజ్ సుకుమార‌న్ అన్నారు. అయితే స‌లార్ వ‌సూళ్ల సునామీ ముందు షారూఖ్ డంకీ వెన‌క‌బ‌డింద‌న్న రిపోర్ట్ స్ప‌ష్ఠంగా ఉంది. డంకీ యావ‌రేజ్ టాక్ తెచ్చుకోగా, స‌లార్ హిట్ సినిమా అన్న టాక్ వ‌చ్చిన సంగ‌తి తెలిసిందే.