Salaar:ప్రేక్ష‌కుల‌కు అది స్ప‌ష్టంగా అర్థ‌మ‌వుతుంది:విజ‌య్ కిరగందూర్
Salaar:పాన్ ఇండియా స్టార్ ప్రభాస్ న‌టించిన భారీ యాక్ష‌న్ ఎంట‌ర్‌టైన‌ర్ `సలార్`. ఈ సినిమా కోసం యావ‌త్ ప్ర‌పంచ వ్యాప్తంగా ఉన్న సినీ ప‌స్రియులు అత్యంత ఆసక్తిగా ఎదురు చూస్తున్నారు. `కేజీఎఫ్‌`సిరీస్ సినిమాల‌తో సంచ‌ల‌నం సృష్టించిన ప్ర‌శాంత్ నీల్ ఈ చిత్రాన్ని తెర‌కెక్కించారు. హోంబ‌లే ఫిలింస్ బ్యాన‌ర్‌పై నిర్మాత విజ‌య్ కిరగందూర్ అత్యంత భారీ స్థాయిలో నిర్మించిన ఈ సినిమా మ‌రో ఏడు రోజుల్లో అంటే డిసెంబ‌ర్ 22న ప్ర‌పంచ వ్యాప్తంగా రిలీజ్ కాబోతోంది.
సినిమా రిలీజ్‌కు స‌మ‌యం ద‌గ్గ‌ర‌ప‌డుతున్న నేప‌థ్యంలో మేక‌ర్స్ ప్ర‌మోష‌న్స్‌ని ప్రారంభించారు. ప్ర‌మోష‌న‌ల్ కార్య‌క్ర‌మాల్లో భాగంగా వ‌రుస‌గా ఇంట‌ర్వ్యూల్లో నిర్మాత విజ‌య్ కిరగందూర్ పాల్గొంటున్నారు. ఈ సంద‌ర్భంగా ఆయ‌న ఆస‌క్తిక‌ర విష‌యాల్ని వెల్ల‌డించారు. అంతే కాకుండా `సలార్` రెండు భాగాలుగా రానున్న విష‌యం తెలిసిందే. ఈ సంద‌ర్భంగా ఆయ‌న రెండ‌వ భాగంపై కూడా కీల‌క అప్‌డేట్ ఇచ్చారు. రెండో భాగానికి సంబంధించిన స్క్రీప్ట్ వ‌ర్క్ పూర్త‌యింద‌ని తెలిపారు.
“సలార్` రెండో భాగానికి సంబంధించిన స్క్రీప్ట్ వ‌ర్క్ పూర్త‌యింది. మొద‌టి భాగాన్ని చూసిన ప్రేక్ష‌కుల‌కు సినిమాకు కొన‌సాగింపు ఉంటుంద‌ని స్ప‌ష్టంగా అర్థ‌మ‌వుతుంది. రెండు భాగాలు చేస్తేనే సినిమా పూర్త‌వుతుంద‌ని వాళ్లు గ‌మ‌నిస్తారు. `సలార్:పార్ట్ 1 సీజ్ ఫైర్` విడుద‌ల‌య్యాక ద‌ర్శ‌కుడు ప్ర‌శాంత్ నీల్ కొన్ని నెల‌ల పాటు విరామం తీసుకుంటారు. వ‌చ్చే ఏడాదిలోనే పార్ట్ 2ను ప్రారంభిస్తాం` అని తెలిపారు. ఇదిలా ఉంటే ఆయ‌న మ‌రో మీడియాతో ప్ర‌త్యేకంగా మాట్లాడారు.
`సలార్`పై త‌మ‌కున్న న‌మ్మ‌కాన్ని వ్య‌క్తం చేశారు. `సలార్` బ్లాక్ బ‌స్ట‌ర్ అవుతుంద‌ని పూర్తి న‌మ్మ‌కంతో ఉన్నామ‌న్నారు. ఈ సినిమాలో య‌ష్ లేర‌ని తేల్చి చెప్పారు. ఇదిలా ఉంటే సినిమా రిలీజ్‌కు ఏడు రోజులు మాత్ర‌మే ఉండ‌టంతో చిత్ర బృందం రోజుకో కౌంట్‌డైన్ పోస్ట‌ర్‌ని విడుద‌ల చేస్తోంది. ఇదిలా ఉంటే ఈ సినిమాకు సంబంధించిన ఫ‌స్ట్ లిరిక‌ల్ సాంగ్‌గా `సూరిడే..` అంటూ సాగే పాట‌ని విడుద‌ల చేశారు. ఇందులో ప్రభాస్, పృథ్వీరాజ్ సుకుమార‌న్ ప్రాణ స్నేహితులుగా న‌టించారు. వారిద్ద‌రి నేప‌థ్యంలో సాగే ఈ పాట ప్రేక్ష‌కుల‌తో పాటు ప్రభాస్ అభిమానుల్ని విశేషంగా ఆక‌ట్టుకుంటూ యూట్యూబ్‌లో ట్రెండ్ అవుతోంది.