Salaar Trailer:`సలార్` ప‌వ‌ర్ ప్యాక్డ్ ట్రైలర్..ఖాన్సార్ ఎరుపెక్కాల
Salaar Release Trailer:పాన్ ఇండియా స్టార్ ప్ర‌భాస్ క‌థానాయ‌కుడిగా న‌టించిన హైవోల్టేజ్ యాక్ష‌న్ ఎంట‌ర్ టైన‌ర్ `సలార్: పార్ట్ 1 సీజ్‌ఫైర్‌`. ప్ర‌శాంత్ నీల్ అత్యంత భారీ స్థాయిలో ఈ మూవీని తెర‌కెక్కించారు. ఇండియ‌న్ స్క్రీన్‌పై హాలీవుడ్ సినిమా అనే అనుభూతిని క‌లిగించే స్థాయిలో ఈ చిత్రాన్ని హోంబ‌లే ఫిలింస్ వారు అత్యంత భారీ బ‌డ్జెట్‌తో నిర్మించారు. పృథ్వీరాజ్ సుకుమార‌న్‌, శృతిహాస‌న్‌, జ‌గ‌ప‌తిబాబు, ఈశ్వ‌రీరావు కీల‌క పాత్ర‌ల్లో న‌టించారు.
ప్ర‌పంచ వ్యాప్తంగా భారీ అంచ‌నాలు నెల‌కొన్న ఈ సినిమా డిసెంబ‌ర్ 22న రికార్డు స్థాయిలో తెలుగుతో పాటు త‌మిళ, మ‌ల‌యాళ, క‌న్న‌డ, హిందీ భాష‌ల్లో రిలీజ్ కాబోతోంది. సినిమా రిలీజ్‌కు స‌మ‌యం ద‌గ్గ‌ర ప‌డుతున్న‌నేప‌థ్యంలో చిత్ర బృందం వ‌రుస‌గా స‌ర్‌ప్రైజ్‌లిస్తోంది. ఇటీవ‌లే ఫ‌స్ట్ సింగిల్‌ని విడుద‌ల చేసిన టీమ్ తాజాగా సోమ‌వారం ఈ సినిమా రిలీజ్ ట్రైల‌ర్‌ని విడుద‌ల చేసింది. `చిన్న‌ప్పుడు నీకో క‌థ చెప్పేవాడిని.. అనే డైలాగ్‌తో ట్రైలర్ మొద‌లైంది.
మ‌న‌సుని హ‌త్తుకునే స్నేహం, అబ్బుర ప‌రిచే యాక్ష‌న్ స‌న్నివేశాల‌తో ట్రైలర్ ఆసాంతం ప్రేక్ష‌కుల్ని, సినీ ల‌వ‌ర్స్‌ని ఆక‌ట్టుకునే విధంగా సాగింది. బ‌ద్ద శ‌త్రువులుగా మారే ఇద్ద‌రు ప్రాణ స్నేహితుల క‌థాంశంతో `సలార్`ని రెండు భాగాలుగా తెర‌కెక్కిస్తున్నారు. ఇందులో మొద‌టి భాగాన్ని`సలార్: పార్ట్ 1 సీజ్‌ఫైర్‌`పేరుతో డిసెంబ‌ర్ 22న విడుద‌ల చేస్తున్నారు. ఇప్ప‌టికే విడుద‌ల చేసిన ట్రైలర్ సినిమాపై అంచ‌నాల్ని పెంచేసింది.
తాజాగా విడుద‌ల చేసిన రిలీజ్ ట్రైలర్ ఆ అంచ‌నాల్ని మ‌రింత‌గా పెంచేసింది. ఖ‌న్సార్ సామ్రాజ్యం.. రాక్ష‌సుల త‌ల‌పించే మ‌నుషులు..వారిని త‌న ప్రాణ స్నేహితుడి కోసం ఎదిరించే హీరో.. వంటి స‌న్నివేశాల‌తో సినిమా ప్రేక్ష‌కుల‌కు, అభిమానులకు స‌రికొత్త అనుభూతిని క‌లిగించ‌డం ఖాయంగా క‌నిపిస్తోంది. ఇప్ప‌టికే ఓవ‌ర్సీస్‌లో అడ్వాన్స్ బుకింగ్స్ ప‌రంగా సంచ‌ల‌నం సృష్టిస్తున్న `సలార్` ఆన్ లైన్ టికెట్స్ బుకింగ్స్ ఇండియాలోనూ ఇటీవ‌లే మొద‌ల‌య్యాయి. తొలి రోజు ఓపెనింగ్స్ రూ.100 కోట్లు ల‌క్ష్యంగా మేక‌ర్స్ ఈ మూవీని భారీ స్థాయిలో రిలీజ్ చేస్తున్నారు. ప్ర‌పంచ వ్యాప్తంగా రూ.1000 కోట్ల‌కు మించి వ‌సూళ్ల‌ని రాబ‌ట్టాల‌న్న‌ది మేక‌ర్స్ ల‌క్ష్యంగా క‌నిపిస్తోంది.