Vijay Devarakonda : విజయ్ దేవరకొండ ‘ఖుషి’ కలెక్షన్స్ ని ఆ ప్రాంతం లో దాటలేకపోయిన ‘సలార్’

Vijay Devarakonda

Salaar Movie : ఇండస్ట్రీ లోకి వచ్చిన అతి తక్కువ సమయం లోనే స్టార్ హీరోలను సైతం డామినేట్ చేసిన హీరో ఎవరైనా ఉన్నారా అంటే అది విజయ్ దేవరకొండ అని చెప్పొచ్చు. కెరీర్ ప్రారంభం లో చిన్న చిన్న పాత్రలు చేస్తూ నెట్టుకొచ్చిన విజయ్ దేవరకొండ, ఆ తర్వాత ‘పెళ్లి చూపులు’ సినిమాతో మొదటి హిట్ ని అందుకొని, ‘అర్జున్ రెడ్డి’ చిత్రం తో యూత్ లో కల్ట్ ఫ్యాన్ ఫాలోయింగ్ ని ఏర్పాటు చేసుకున్నాడు.

ఇతనికి ఉన్న అద్భుతమైన స్క్రీన్ ప్రెజెన్స్ వల్ల కేవలం టాలీవుడ్ లో మాత్రమే కాదు, కోలీవుడ్ మరియు బాలీవుడ్ ఇండస్ట్రీస్ లో కూడా మంచి క్రేజ్ ఏర్పడింది. ముఖ్యంగా లేడీస్ లో అయితే ఒకప్పుడు మహేష్ బాబు కి ఎలాంటి క్రేజ్ ఉండేదో, ఇప్పుడు విజయ్ దేవరకొండ కి అలాంటి క్రేజ్ ఏర్పడింది. అయితే విజయ్ దేవరకొండ కి గత కొంతకాలం నుండి సరైన బ్లాక్ బస్టర్ హిట్ లేదు.

గత ఏడాది భారీ హైప్ తో విడుదలైన ‘ఖుషి’ చిత్రం కూడా బాక్స్ ఆఫీస్ వద్ద పర్వాలేదు అనే రేంజ్ లోనే ఆడింది. కానీ తమిళనాడు లో మాత్రం ఈ చిత్రానికి మంచి వసూళ్లు వచ్చాయి. అక్కడి ట్రేడ్ పండితులు అందిస్తున్న సమాచారం ప్రకారం ఈ చిత్రానికి తమిళనాడు నుండే దాదాపుగా 13 కోట్ల రూపాయిల గ్రాస్ వసూళ్లను రాబట్టింది. ఈ రికార్డు ని రీసెంట్ గా భారీ అంచనాల నడుమ విడుదలైన ప్రభాస్ ‘సలార్’ చిత్రం, అలాగే సందీప్ వంగ ‘ఎనిమల్’ చిత్రాలు కూడా బ్రేక్ చేయలేకపోయాయి. దీనిని బట్టీ అర్థం చేసుకోవచ్చు, విజయ్ దేవరకొండ కి తమిళనాడు లో ఎలాంటి క్రేజ్, ఫాలోయింగ్ ఉంది అనేది. ముఖ్యంగా తమిళనాడు యూత్ ఆడియన్స్ లో విజయ్ దేవరకొండ కి ఉన్న క్రేజే వేరట.

మన టాలీవుడ్ లో ఆయనకీ ఫాలోయింగ్ విషయం లో అక్కడ పోటీ ఇవ్వగలిగేది కేవలం అల్లు అర్జున్ మాత్రమేనట. ఆయన హీరో గా నటించిన పాన్ ఇండియన్ చిత్రం ‘లైగర్’ గురి తప్పింది కానీ, ఈ సినిమా హిట్ అయ్యుంటే మాత్రం విజయ్ దేవరకొండ ఎవరికీ అందనంత రేంజ్ కి వెళ్లిపోయేవాడు అని చెప్పాలి. ప్రస్తుతం ఆయన పరశురామ్ పెట్ల తో ‘ఫ్యామిలీ స్టార్’ అనే సినిమా చేస్తున్నాడు. వచ్చే నెల 18 వ తారీఖున ఈ చిత్రం విడుదల కాబోతుంది.