Salaar Making Video:పాన్ ఇండియా స్టార్ ప్ర‌భాస్ న‌టించిన హై వోల్టేజ్ యాక్ష‌న్ డ్రామా `సలార్`. హోంబ‌లే ఫిలింస్ బ్యాన‌ర్‌పై స్టార్ ప్రొడ్యూస‌ర్ విజ‌య్ కిర‌గందూర్ అత్యంత భారీ స్థాయ‌లో ఈ మూవీని నిర్మించారు. `కేజీఎఫ్‌` సిరీస్ సినిమాల‌తో ద‌ర్శ‌కుడిగా ప్ర‌త్యేక‌త‌ను చాటుకున్న ప్ర‌శాంత్ నీల్ ఈ చిత్రాన్ని భారీ స్థాయిలో తెర‌కెక్కించారు. ప్ర‌భాస్ లాంటి హీరో, ప్ర‌శాంత్ నీల్ లాంటి ద‌ర్శ‌కుడు క‌లిసి చేసిన సినిమా కావ‌డంతో `సలార్`పై స‌హ‌జంగానే అంచ‌నాలు తారా స్థాయికి చేరుకున్నాయి.
టీజ‌ర్‌, ట్రైల‌ర్‌తో భారీ అంచ‌నాల్ని రేకెత్తించిన ఈ సినిమా డిసెంబ‌ర్ 22న ప్ర‌పంచ వ్యాప్తంగా భారీ స్థాయిలో ప్రేక్ష‌కు ముందుకొచ్చింది. బాక్సాఫీస్ వ‌ద్ద రిలీజ్ రోజే రికార్డు స్థాయి వ‌సూళ్ల‌ని రాబ‌ట్టిన ఈ సినిమా రెండు రోజుల్లో రూ.295 కోట్లు వ‌సూలు చేయ‌డం విశేషం. ప్ర‌భాస్ కెరీర్‌లోనే అత్యంత భారీ స్థాయి ఓపెనింగ్స్‌ని రాబ‌ట్టిన సినిమాగా `సలార్` నిలిచింది. ఇక ఓవ‌ర్సీస్‌లోనూ 5 మిలియ‌న్ మార్కుని దాటేసి అక్క‌డ వ‌సూళ్ల వ‌ర్షం కురిపిస్తోంది.
ఈ నేప‌థ్యంలో టీమ్ ఫ్యాన్స్‌కి స‌ర్ ప్రైజ్ ఇచ్చింది. సోమ‌వారం `సలార్` మేకింగ్ వీడియోని రిలీజ్ చేసింది. సినిమాలో ప్రేక్ష‌కుల‌కు రోమాంచిత అనుభూతిని క‌లిగించిన కొన్ని కీల‌క ఘ‌ట్టాల‌ని ఎలా షూట్ చేశారో మేకింగ్ వీడియోలో చూపించారు. ఈ సీన్ల కోసం ఎంత‌గా క‌ష్ట‌ప‌డ్డ‌రో క‌ళ్ల‌కు క‌ట్టారు. దీంతో సలార్ మేకింగ్ వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. ఆ విశేషాలేంటో మీరూ చూసేయండి.
